________________ समवाओ-कुलगर-तित्थयराइ 409 अणिट्ठा अकंता अप्पिया अणाए जा असुभा अमणुण्णा अमणामा अमणाभिरामा ते तेसिं असंघयणत्ताए परिणमंति। असुरकुमाराणं भंते ! किंसंघयणी प० 1 गोयमा ! छण्हं संघयणाणं असंघयणी णेवट्ठी णेव छिरा णेव पहारू जे पोग्गला इट्ठा कंता पिया मणुण्णा मणामा मणाभिरामा ते तेसिं असंघयणत्ताए परिणमंति, एवं जाव यणियकुमाराणं / पुढवीकाइया णं भंते ! किंसंघयणी प० 1 गोयमा ! छेवट्ठसंघयणी प०, एवं जाव संमुच्छिमपंचिंदियतिरिक्खजोणिय त्ति / गम्भवकंतिया छव्विहसंघयणी, समुच्छिममणुस्सा छेवट्ठसंघयणी, गब्भवक्कंतियमणुस्सा छविहे संघयणे प०। जहा असुरकुमारा तहा वाणमंतरजोइसियवेमाणिया य / / 163 // कइविहे णं भंते ! संठाणे पण्णत्ते ? गोयमा छबिहे संठाणे पण्णत्ते, तं जहा-समचउरंसे 1 णिग्गोहपरिमंडले 2 साइए 3 वामणे 4 खुज्जे 5 हुंडे 6 / णेरइया णं भंते ! किंसंठाणी प० 1 गोयमा ! हुंडसंठाणी प० / असुरकुमारा णं भंते ! किंसंठाणी प० 1 गोयमा ! समचउरंससंठाणसंठिया प०, एवं जाव थणियकुमारा / पुढवी मसूरसंठाणा प०, आऊ थिबुयसंठाणा प०, तेऊ सूइकलावसंठाणा प०, वाऊ पडागासंठाणा प०, वणस्सई णाणासंठाणसंठिया 50, बेइंदियतेइंदियचउरिंदिय. संमुच्छिमपंचेदियतिरिक्खा हुंडसंठाणा प०, गब्भवक्कंतिया छविहसंठाणा प०, समुच्छिममणुस्सा हुंडसंठाणसंठिया प०, गब्भवकंतियाणं मणुस्साणं छव्विहा संठाणा प० / जहा असुरकुमारा तहा वाणमंतरजोइसियवेमाणिया वि // 164 // कइविहे णं भंते ! वेए पण्णत्ते ? गोयमा ! तिविहे वेए प०, तं जहा-इत्थीवेए पुरिसवेए गपुंसगवेए ।णेरइया णं भंते ! किं इत्थीवेया पुरिसवेया णपुंसगवेया प० ? गोयमा! णो इत्थीवेया णो पुरिसवेया णपुंसगवेया प० / असुरकुमारा णं भंते ! किं इत्थीवेया पुरिसवेया णपुंसगवेया ? गोयमा ! इत्थीवेया पुरिसवेया णो णपुंसगवेया, जाव थणियकुमारा, पुढवी-आऊ-तेऊ-वाऊ-वणस्सई बितिचउरिंदियसमुच्छिमपंचिंदियतिरिक्वसंमुच्छिममणुस्सा णपुंसगवेया, गन्भवकंतियमणुस्सा पंचिंदियतिरिया य तिवेया, जहा असुरकुमारा तहा वाणमंतरा जोइसियवेमाणिया वि // 165 // .. कुलगर-तित्थयराइ ते णं काले ण ते ण समए णं कप्पस्स समोसरणं णेयव्वं, जाव गणहरा सावच्चा णिरंवच्चा वोच्छिण्णा // 166 // जंबुद्दीवे णं दीवे भारहे वासे तीयाए उस्सप्पिणीए सत्त कुलगरा होत्या, तं०-मित्तदामे सुपासे य सयंपभे / विमलघोसे सुघोसे
