________________ 408 अंग-पविट्ठ सुत्ताणि प०-भवपच्चइए य खओवसमिए य, एवं सव्वं ओहिपयं भाणियव्वं // 157 / / सीया य दव्य सारीर साया तह वेयणा भवे दुम्वा / अब्भुवगमुवक्किमिया णियाए चेव अणियाए ॥१॥णेरइया णं भंते ! किं सीयं वेयणं वेयंति उसिणं वेयणं वेयंति सीओसिणं वेयणं वेयंति ? गोयमा ! णेरइया० एवं चेव वेयणापयं भाणिय // 158 // कइ णं भंते ! लेसाओ पण्णत्ताओ ? गोयमा ! छ लेसाओ पण्णत्ताओ, तं जहा-किण्हा णीला काऊ तेऊ पम्हा सुक्का, एवं लेसापयं भाणियव्यं / / 159 // अणंतरा य आहारे, आहाराभोयणा इ य / पोग्गला णेव जाणंति, अज्झवसाणे य सम्मत्ते // 1 // णेरइया णं भंते! अगंतराहारा तओ णिवत्तणया तओ परियाइयणया तओ परिणामणया तओ परियारणया तओ पच्छा विकुव्वणया ? हता गोयमा ! एवं आहारपयं भाणि यव्वं // 160 // कंइविहे णं भंते ! आउगबंधे प० ? गोयमा ! छविहे आउगबंधे प०, तं जहा-जाइणामणिहत्ताउए गइणामणिहत्ताउए ठिइणामणिहत्ताउए पएसणामणिहत्ताउए अणुभागणामणिहत्ताउए ओगाहणाणामणिहत्ताउए / णेरइयाणं भंते / कइविहे आउगबंधे प० ? गोयमा ! छविहे प०, तं जहा--जाइणामणिहत्ताउए गइणामणिहत्ताउए ठिइणामणिहत्ताउए पएसणामणिहत्ताउए अणुभागणामणिहत्ताउए ओगाहणाणामणिहत्ताउए / एवं जाव वेमाणियाणं // 161 // णिरयगई णं भंते ! केवइयं कालं विरहिया उववाएणं प० ! गोयमा ! जहण्णेणं एक समयं उक्कोसेणं बारस मुहुत्ते, एवं तिरियगई मणुस्सगई देवगई / सिद्धिगई णं भंते ! केवइयं कालं विरहिया सिझणयाए प० ? गोयमा ! जहण्णणं एक समयं उक्कोसेणं छम्मासे, एवं सिद्धिवज्जा उव्वट्टणा / इमीसे णं भंते ! रयणप्पभाए पुढवीए णेरइया केवइयं कालं विरहिया उववाएणं ? एवं उववायदंडओ भाणियव्वो उव्वट्टणादंडओ य / णेरइया णं भंते / जाइणामणिहत्ताउयं कइ आगारिसेहिं पगरंति ? गोयमा ! सिय 1 सिय 2 सिय 3 सिय 4 सिय 5 सिय 6 सिय 7 सिय 8 अट्ठहिं णो चेव णं णवहिं / एवं सेसाण वि आउगाणि जाव वेमाणिय त्ति // 162 // कइविहे णं भंते ! संघयणे पण्णत्ते ? गोयमा ! छचि हे संघयणे पण्णत्ते, तं जहा-वइरोसभणारायसंघयणे रिसभणारायसंघयणे णारायसंघयणे अद्धणारायसंघयणे कीलियासंघयणे छेवट्ठसंघयणे / णेरइया णं भंते ! किंसंघयणी ? गोयमा ! छण्हं संघयणाणं असंघयणी व अढि णेव छिराणेव हारू जे पोग्गला
