________________ समवाओ-जीवरासी अजीवरासी 405 भाओ णरएसु वेयणाओ // 149 // केवइया णं भंते ! असुरकुमारावासा प० ? गोयमा ! इमीसे णं रयणप्पभाए पुढवीए असीउत्तरजोयणसयसहस्सबाहल्लाए उवरि एगं जोयणसहस्सं ओगाहेत्ता हेट्ठा चेगं जोयणसहस्सं वज्जित्ता मज्झे अट्ठहत्तरि बोयणसयसहस्से एत्थ णं रयणप्पभाए पुढवीए चउसद्धिं असुरकुमारावाससयसहस्सा प० / ते णं भवणा बाहिं वट्टा अंतो चउरंसा अहे पोक्खरकयाण्णियासंठाणसंठिया उक्किण्णंतर विउलगंभीरखायफलिहा अट्टालयचरियदारगोउरकवाडतोरणपडिदुवारदेसभागा जंतमुसलमुसंढिसयग्घिपरिवारिया अउज्झा अडयालकोट्ठयरइया अडयाल. कयवणमाला लाउल्लोइयमहिया गोसीससरसरत्तचंदणदद्दरदिण्णपंचंगुलितला कालागुरुपवरकुंदुरुक्कतुरुक्कडझंतधूवमघमतगंधुद्धयाभिरामा सुगंधवरगंधिया गंधवट्टि. भूया अच्छा सण्हा लण्हा घट्टा मट्ठा णीरया णिम्मला वितिमिरा विसुद्धा सप्पभा समिरीया सउज्जोया पासाई या दरिसणिज्जा अभिरूवा पडिरूवा / एवं जं जस्स कमई तं तस्स जं जं गाहाहिं भणिय तह चेव वण्णओ।। 150 // केवइया णं भंते ! पुढविकाइयावासा प० गोयमा ! असंखेजा पुढवीकाइयावासा प० एवं जाव मणुस्स त्ति / केवइया णं भंते ! वाणमंतरावासा प० गोयमा ! इमीसे णं रयणप्पभाए पुढवीए रयणामयस्स कंडस्स जोयणसहस्सबाहल्स्स उवरि एगं जोयणसयं ओगाहेत्ता हेट्ठा चेगं जोयणसयं वज्जेत्ता मज्झे अट्ठसु जोयणसएसु एत्थ णं वाणमंतराणं देवाणं तिरियमसंखेज्जा भोमेज्जा णगरावाससयसहस्सा प०, ते णं भोमेज्जा णगरा बाहिं वट्टा अंतो चउरंसा, एवं जहा भवणवासीणं तहेव णेयव्वा, णवरं पडागमालाउला सुरम्मा पासाईया दरिसणिज्जा अभिरूवा पडिरूवा // 151 // केवइया णं भंते ! जोइ सियाणं विमाणावासा पण्णत्ता 1 योयमा ! इमीसे णं रयणप्पभाए पुढवीए बहु. समरमणिज्जाओ भूमिभागाओ सत्तणउयाई जोयणसयाई उई उप्पइत्ता एत्थ णं दसुत्तरजोयणसयबाहल्ले तिरियं जोइसविसए जोइसियाणं देवाणं असंखेना जोइ. सियविमाणावासा प०, ते णं जोइ सियविमाणावासा अब्भुग्गयमूसियपहसिया विविहरमणिरयणभत्तिचित्ता वाउ यविजयवेजयंतीपडागछत्ताइछत्तकलिया तुंगा गगणतलमलिहंतसिहरा जालंतररयणपंजरुम्मिलियब्व मणिकणगथूभियाया वियसिय. सयपत्तपुंडरीयतिलयरयणद्धचंदचित्ता अंतो बाहिं च सहा तवणिज्जवालुयापत्थडा सुहफासा सस्सिरीयरूवा पासाईया दरिसणिज्जा अभि०।। 152 // केवइया णं भंते ! .
