________________ 406 अंग-पविट्ठ सुत्ताणि वेमाणियावासा प० 1 गोयमा ! इमीसे णं रयणप्पभाए पुढवीए बहुसमरमणिज्जाओ भूमिभागाओ उर्दू चंदिमसूरियगहणणखत्ततारारूवाणं वीइवइत्ता बहणि जोयणाणि बहूणि जोयणसयाणि बहूणि जोयणसहस्साणि बहूणि जोयणसयसहस्साणि बहुइओ जोयणकोडीओ बहुइओ जोयणकोडाकोडीओ असंखेजाओ जोयणकोडाकोडीओ उद्धं दूरं वीइवइत्ता एत्थ णं विमाणियाणं देवाणं सोहम्मीसाणसणकुमारमाहिंद. बंभलंतगसुक्कसहस्सारआणयपाणयआरणअच्चुएसु गेवेजमणुत्तरेसु य चउरासीई विमाणावाससयसहस्सा सत्ताणउइं च सहस्सा तेवीसं च विमाणा भवतीति मकवाया, ते णं विमाणा अच्चिमालिप्पभा भासरासिवण्णाभा अरया णीरया णिम्मला वितिमिरा विसुद्धा सव्वरयणामया अच्छा सण्हा घट्टा मट्ठा णिप्पंका णिकंकडच्छाया सप्पभा समरीया सउज्जोया पासाईया दरिसणिज्जा अभिरूवा पडिरूवा / सोहम्म णं भंते / कप्पे केवइया विमाणावासा प० ? गोयमा ! बत्तीसं विमाणावाससयसहस्सा प०, एवं ईसाणाइसु अट्ठावीसं बारस अट्ठ चत्तारि एयाइं सयसहस्साई पण्णासं चत्तालीसं छ एयाइं सहस्साई आणए पाणए चत्तारि आरणच्चुए तिणि ए याणि सयाणि, एवं गाहाहिं भाणियव्वं / / 153 / / णेरइयाणं भंते ! केवइयं कालं टिई प० ? गोयमा ! जहण्णेणं दस वाससहस्साई उक्कोसेणं 'तेत्तीसं सागरोवमाई ठिई प० / अपज्जत्तगाणं णेरइयाणं भंते ! केवइयं कालं ठिई प० ? गोयमा ! जहणेणं अंतोमुहुत्तं उक्कोसेण वि अंतोमुहुत्तं / पज्जत्तगाणं जहण्णेणं दस वाससहस्साई अंतोमुहत्तणाई / उक्कोसेणं तेत्तीसं सागरोवमाइं अंतोमुहुत्तूणाई / इमीसे णं रयणप्पभाए पुढवीए एवं जाव विजयवेजयंतजयंतअपराजियाणं देवाणं केवइयं कालं ठिई प० ? गोयमा ! जहण्णेणं एकत्तीसं सागरोवमाइं उक्कोसेणं तेत्तीसं सागरोवमाइं / सवढे अजहण्णमणुकोसेणं तेत्तीसं सागरोवमाइं ठिई प० // 154 / / कइ णं भंते सरीरा प० ? गोयमा ! पंच सरीरा प०, तं०-ओरालिए वेउव्विए आहारए तेयए कम्मए / ओरालियसरीरे णं भंते ! कइविहे प० ! गोयमा पंचविहे प०, तं०-. एगिदियओरालियसरीरे जाव गन्भवतियमणुस्सपंचिंदियओरालियसरीरे य / ओरालियसरीरस्स णं भंते ! के महालिया सरीरोगाहणा प० 1 गोयमा ! जहणणं अंगुलअसंखेज्जइभागं उक्कोसेणं साइरेगं जोयणसहस्सं, एवं जहा ओगाहणसंठाणे ओरालियपमाणं तहा गिरवसेसं, एवं जाव मणुस्से त्ति उक्कोसेणं तिणि गाउयाई /
