________________ 404 अंग-पविटु सुत्ताणि पण्णत्ता, तं जहा-रूवी अजीवरासी अरूवी अजीवरासी य। से किं तं अरूवी अजीवरासी ? अरूवी अजीवरासी दसविहा पण्णत्ता तं. जहा-धम्मत्थिकाए जाव अद्धासमए / रूवी अजीवरासी अणेगविहा प० जाव / से किं तं अणुत्तरोववाइआ ? अणुत्तरोववाइआ पंचविहा प० तं जहा-विजयवेजयंतजयंत. अपराजियसव्वट्ठसिद्धिया, से तं अणुत्तरोक्वाइआ, से तं पंचिंदियसंसारसमावण्णजीवरासी / दुविहा णेरइया प० त० पज्जत्ता य अपज्जत्ता य, एवं दंडओ भाणियव्यो जाव वेमाणिय त्ति / इमीसे णं रयगप्पभाए पुढवीए केवइयं खेत्तं ओगाहेत्ता केवइया णिरयावासा प० ? गोयमा! इमीसे णं रयणप्पभाए पुढवीए असीउत्तरजोयणसयसहस्सबाहल्लाए उरि एगं जोयणसहस्सं ओगाहेत्ता हेट्ठा चेगं जोयणसहस्सं वज्जेत्ता मज्झे अहसत्तरि जोयणसयसहस्से एत्थ णं रयणप्पभाए पुढवीए णेरइयाणं तीसं णिरयावाससयसहस्सा भवंतीति मक्खाया। ते णं गिरयावासा अंतो वट्टा बाहिं चउरंसा जाव असुभा णिरया असुभाओ णिरएसु वेयणाओ, एवं सत्त वि भाणियव्वाओ जं जासु जुज्जइ-आसीयं बत्तीसं अट्ठावीसं तहेव वीसं च / अट्ठा. रस सोलसगं अठुत्तरमेव बाहल्लं // 1 // तीसा य पण्णवीसा पण्णरस दसेव सय. सहस्साई / तिण्णेगं पंचूणं पंचेव अणुत्तरा णरगा / / 2 // चउसट्ठी असुराणं चउरासीइं च होइ णागाणं / बावत्तरि सुवण्णाणं वाउकुमाराण छाउई // 3 // दीवदिसाउदहीणं विज्जुकुमारिंदथणियमग्गीणं / छण्हं पि जुवलयाणं बावत्तरिमो य सयसहसा (स्सा) // 4 // बत्तीसठ्ठावीसा बारस अड चउरो य सयसहस्सा / पण्णा चत्तालीसा छच्च सहस्सा सहस्सारे // 5 // आणयपागयकप्पे चत्तारि सयाऽऽरणच्चुए तिण्णि / सत्त विमाणसयाई चउसु वि एएसु कप्पेसु // 6 // एक्कारसुत्तरं हेछिमेसु सत्तुत्तरं च मज्झिमए / सयमेगं उवरिमए पंचैव अणुत्तरविमाणा / / 7 / / दोच्चाए णं पुढवीए तच्चाए णं पुढवीए चउत्थीए पुढवीए पंचमीए पुढवीए छट्ठीए पुढवीए सत्तमाए पुढवीए गाहाहिं भाणियन्वा / सत्तमाए पुढवीए पुच्छा, गोयमा! सत्तमाए पुढवीए अठुत्तरजोयणसयसहस्साई बाहल्लाए उवरि अद्धतेवण्णं जोयणसहस्साई ओगाहेत्ता हेट्ठा वि अद्धतेवण्णं जोयणसहस्साई वज्जित्ता मज्झे तिसु जोयणसहस्सेसु एत्थ णं सत्तमाए पुढवीए णेरइयाणं पंच अणुत्तरा महइमहालया महाणिरया प० तं जहा-काले महाकाले रोरुए महारोरुए अप्पइट्ठाणे णामं पंचमे / ते णं णिरया वट्टे य तंसा य अहे खुरप्पसंठाणसंठिया जाव असुभा गरगा असु.
