________________ समवाओ-जीवरासी अजीवरासी 403 णं परित्ता वायणा, संखेज्जा अणुओगदारा संखेज्जाओ पडिवत्तीओ संखेजाओ णिज्जुत्तीओ संखेज्जा सिलोगा संखेज्जाओ संगहणीओ। से णं अंगठ्ठयाए बारसमे अंगे एगे सुयक्खंधे चउद्दस पुव्वाइं संखेज्जा वत्थू संखेजा चूलवत्यू संखेज्जा पाहुडा संखेज्जा पाहुडपाहुडा संखेज्जाओ पाहुडियाओ संखेज्जाओ पाहुडपाहुडि. याओ संखेज्जाणि पयसयसहस्साणि पयग्गेणं पण्णत्ता, संखेज्जा अक्खरा अणंता गमा अणंता पज्जवा परित्ता तसा अणंता थावरा सासया कडा णिबद्धा णिकाइया जिणपण्णत्ता भावा आघविज्जति पण्णविज्जंति परूविज्जंति दंसिज्जति णिदं सिज्जति उवदंसिज्जंति, एवं णाया एवं विण्णाया एवं चरणकरणपरूवणया आघविज्जति, से तं दिठिवाए, से तं दुवालसंगे गणिपिडगे / 147 / इच्चेइयं दुवालसंगं गणिपिडगं अतीतकाले अणंता जीवा आणाए विराहित्ता चाउरंतसंसारकंतारं अणुपरियटिंसु, इच्चेइयं दुवालसंगं गणिपिडगं पडुप्पण्णे काले परित्ता जीवा आणाए विराहित्ता चाउरंतसंसारकतारं अणुपरियटृति, इच्चेइयं दुवालसंगं गणिपिडगं अणागए काले अणंता जीवा आणाए विराहित्ता चाउरंतसंसारकंतारं अणुपरियट्टिसंति, इच्चेइयं दुवालसंगं गणिपिडगं अतीतकाले अणंता जीवा आणाए आराहित्ता चाउरंतसंसार. कंतारं वीईवइंसु, एवं पडुप्पण्णेऽवि, एवं अणागएऽवि / दुवालसंगे णं गणिपिडगे ण कयाइ णासी, ण कयाइ णत्थिं, ण कयाइ ण भविस्सइ, भुविं च भवइ य भविस्सइ य (अयले) धुवे णिइए सासए अक्खए अव्वए अवट्ठिए णिचे / से जहा णामए पंच अत्थिकाया ण कयाइ ण आसि, ण कयाइ णत्थि, ण कयाइ ण भविस्सइ, भुवि च भवइ य भविस्सइ य, (अयला) धुवा णिइया सासया अक्खया अव्वया अवट्ठिया णिचा, एवामेव दुवालसंगे गणिपिडगे ण कियाइ ण आसि, ण कयाइ णत्थि, ण कयाइ ण भविस्सइ, भुविं च भवइ य भविस्सइ य (अयले) धुवे जाव अवढ़िए णिच्च / एत्थ णं दुवालसंगे गणिपिडगे अणंता भावा अणंता अभावा अणंता हेऊ अणंता अहेऊ अणंता कारणा अणंता अकारणा अणंता जीवा अणंता अजीवा अणंता भवसिद्धिया अणंता अभवसिद्धिया अणंता सिद्धा अणंता असिद्धा आघविज्जति पण्णविज्जंति परूविज्जति दंसिज्जति णिदंसिज्जति उवदंसिज्जति / एवं दुवालसंगं गणिपिडगं इति // 148 // . जीवरासी अजीवरासी दुवे रासी पण्णत्ता, तं जहा-जीवरासी अजीवरासी य / अजीवरासी दुविहा
