________________ समवाओ स० 34 375 तेत्तीसं सागरोवमाई ठिई प० / जे देवा सम्वट्ठसिद्धे महाविमाणे देवत्ताए उव. वण्णा तेसि णं देवाणं अजहण्णमणुकोसेणं तेत्तीसं सागरोवमाई ठिई प० / ते णं देवा तेत्तीसाए अद्धमासेहिं आणमंति वा पाणमंति वा उस्ससंति वा णिस्ससंति वा। तेसि णं देवाणं तेत्तीसाए वाससहस्सेहिं आहारटे समुप्पजइ / संतेगइया भवसिद्धिया जीवा जे तेत्तीसं भवग्गहणेहिं सिज्झिस्संति बुझिस्संति मुच्चिस्संति परिणिन्वाइस्संति सव्वदुक्खाणमंत करिस्संति // 33 // चोत्तीसं बुद्धाइसेसा प० तं०-अवट्ठिए केस. मंसुरोमणहे, णिरामया णिरुवलेवा गायलट्ठी, गोक्खीरपंडुरे मंससोणिए, पउमुप्पलगंधिए उस्सासणिस्सासे, पच्छण्णे आहारणीहारे अदिस्से मंसचक्खुणा, आगासगयं चकं, आगासगयं छत्तं, आगासगयाओ सेयवरचामराओ, आगासफालियामयं सपायपीढं सीहासणं, आगासगओ कुडभीसहस्सपरिमंडिया भिरामो इंदज्झओ पुरओ गच्छइ, जत्थ जत्थ विय णं अरहंता भगवंतो चिट्ठति वा णिसीयंति वा तत्थ तत्थ वि य णं तक्खणादेव संछण्णत्तपुप्फपल्लवसमाउलो सच्छत्तो सज्झओ सघंटो सपडागो असोगवरपायवो अभिसंजायइ, ईसि पिट्ठओ मउडठाणंमि तेयमंडलं अभिसंजायइ अंधकारे वि य णं दस दिसाओ पभासेइ, बहुसमरमणिज्जे भूमिभागे, अहोसिरा कंटया जायंति उऊ विवरीया सुहफासा भवंति, सीयलेणं सुहफासेणं सुरभिणा मारुएणं जोयणपरिमंडल सव्वओ समंता संपमजिज्जइ, जुत्तफुसिएणं मेहेण य णिहयरयरेणूयं किज्जइ, जलथलयभासुरपभूएणं बिंटट्ठाइणा दसद्धवण्णेणं कुसुमेणं जाणुस्सेहप्पमाणमित्ते (अचित्ते) पुप्फोवयारे कज्जइ, अमणुण्णाणं सद्दफरिसरस. रूवगंधाणं अवकरिसो भवइ, मणुण्णाणं सहफरिसरसरूवगंधाणं पाउन्भाओ भवइ, पच्चाहरओ वि य णं हिययगमणीओ जोयणणीहारी सरो, भगवं च णं अद्धमागहीए भासाए धम्ममाइक्खइ, सा वि य णं अद्धमागही भासा भासिज्जमाणी तेसिं सव्वेसिं आरियमणारियाणं दुप्पयचउप्पयमियपसुपक्खिसरीसिवाणं अप्पणो हिय. सिवसुहयभासत्ताए परिणमइ, पुरबद्धवेरा वि य णं देवासुरणागसुवण्णजक्खरक्खस. किंणरकिंपुरिसगरुलगंधवमहोरगा अरहओ पायमूले पसंतचित्तमाणसा धम्म णिसामंति, अण्णउत्थियपावयणिया वि य णमागया वंदंति, आगया समाणा अरहओ पायमूले णिप्प डिवयणा हवंति, जओ जओ वि य णं अरहंतो भगवंतो विहरंति तओ तो वि य णं जोयणपणवीसाए णं ईई ण भवइ, मारी ण भवइ, सचकं ण
