________________ 374 अंग-पविट्ठ सुत्ताणि य मरणंते, बत्तीसं जोगसंगहा // 5 // बत्तीसं देविंदा प०, तं०-चमरे बली धरणे भूयाणंदे जाव घोसे महाघोसे चंदे सूरे सक्के ईसाणे सणंकुमारे जाव पाणए अच्चुए / कुंथुस्स णं अरहओ बत्तीसहिया बत्तीसं जिणसया होत्था / सोहम्मे कप्पे बत्तीसं विमाणावाससयसहस्सा प० / रेवइणवत्ते बत्तीसइतारे पणत्ते / बत्तीस. तिविहे गट्टे पण्णत्ते / इमीसे णं रयणप्पभाए पुढवीए अत्थेगइयाणं णेरइयाणं बत्तीस पलिओवमाई ठिई प० / अहे सत्तमाए पुढवीए अत्थेगइयाणं णेरइयाणं बत्तीसं सागरोवमाइं ठिई प० / असुरकुमाराणं देवाणं अत्थेगइयाणं बत्तीसं पलिओवमाई ठिई प० / सोहम्मीसाणेसु कप्पेसु देवाणं अत्थेगइयाणं बत्तीस पलिओश्माई ठिई प० / जे देवा विजयवेजयंतजयंतअपरार्जियविमाणेसु देवत्ताए उववण्णा तेसि णं देवाणं अत्येगइयाणं बत्तीस सागरोवमाइं ठिई प० / ते णं. देवा बत्तीसाए अद्ध. मासेहिं आणमंति वा पाणभंति वा उस्ससंति वा णीससंति वा / तेसि णं देवाणं बत्तीसवाससहस्सेहिं आहारढे समुप्पजइ / संतेगइया भवसिद्धिया जीवा जे बत्ती साए भवग्गहणेहिं सिज्झिस्मति बुज्झिस्संति मुच्चिस्संति परिणिवाइस्संति सम्व. दुक्खाणमंतं करिस्संति // 32 // तेत्तीसं आसायणाओ पण्णत्ताओ, तं०-से हे राइणियस्स आसण्णं गंता भवइ आसायणा सेहस्स, सेहे राइणियस्स पुरओ गंता भवइ आसायणा सेहस्स, सेहे राइणियस्स सपक्खं गंता भवइ आसायणा सेहस्स, सेहे राइणियस्स आसण्णं ठिच्चा भवइ आसायणा सेहस्स, जाव सेहे राइणियस्स आलवमाणस्स तत्थगए चेव पडिसुणित्ता भवइ आसायणा सेहस्स / चमरस्स णं असुरिंदस्स असुररण्णो चमरचंचाए रायहाणीए एक्कमेकवाराए तेत्तीसं तेत्तीम भोमा प० / महाविदेहे णं वासे तेत्तीसं जोयणसहस्साइं साइरेगाइं विक्खंभेणं प० / जया णं सूरिए बाहिराणंतरं तचं मंडलं उवसंकमित्ता णं चारं चरइ तया णं इह गयस्स पुरिसस्स तेत्तीसाए जोयणसहस्सेहिं किंचिविसेसूणेहिं चक्खुप्फासं हवमाग छइ / इमीसे णं रयणप्पमाए पुढवीए अत्थेगइयाणं णेरइयाणं तेत्तीसं पलिओकमाई ठिई प० / अहे सत्तमाए गुढवीए कालमहाकालरोख्यमहारोरुएसु णेरइ. याणं उक्कोसेणं तेत्तीसं सागरोवमाई ठिई प० / अप्पइट्ठाणणरए णेरइयाणं अज. हण्णमणुक्कोसेणं तेत्तीसं सागरोवमाई ठिई प० / असुरकुमाराणं अत्थेगइयाणं देवाणं तेत्तीसं पलिओवमाई ठिई प० / सोहम्मीसाणेसु कप्पेसु अत्थेगइयाणं देवाणं तीसं पलिओवमाई ठिई प० / विजयवेजयंतजयंतअपराजिए सु विमाणेसु उक्कोसेणं
