________________ समवाओ स० 32 373 अचक्खुदसणावरणे, खीणे ओहिदंसणावरणे, खोणे केवलदसणावरणे, खीणे णिद्दा, खीणे णिहाणिहा, खीणे पयला, खीणे पयलापयला, खीणे थीणद्धी, खीणे सायानेयणिज्जे, खीणे असायावेयणिज्जे, खीणे दंसणमोहणिजे खीणे चरित्तमोहणिजे, खीणे णेरइयाउए, खीणे तिरियाउए, खीणे मणुस्साउए, खीणे देवाउए, खीणे उच्चा. गोए, खीणे णियागोए, खीणे सुभणामे, खीणे असुभणामे, खीणे दाणंतराए, खीणे लाभंतराए, खीणे भोगंतराए, खीणे उपभोगंतराए, वीणे वीरियंतराए / मंदरे णं पव्वए धरणितले एक्कतीसं जोयणसहस्साई छच्चेव तेवीसे जोयणसए किंचिदेसूणे परिक्खेवेणं प० / जया णं सूरिए सव्वबाहिरियं मंडलं उवसंकमित्ता चारं चरइ तया णं इहगयस्स मणुस्सस्स एकतीसाए जोयणसहस्सेहिं अट्ठहि य एकतीसेहिं जोयणसए हिं.तीसाए सट्ठिभागे जोयणस्स सूरिए चक्खुप्फास हव्वमागच्छइ। अभिवड्डिए णं मासे एकतीसं साइरेगाइं राइं दियाइं राइंदियग्गेणं पण्णत्ते। आइच्चे णं मासे एक्कतीस राइंदियाई किंचि विसेसूणाई राइंदियग्गेणं पण्णत्ते / इमीसे णं रयणप्पभाए पुढवीए अत्थेगइयाणं णेरइयाणं एक्कतीसं पलिओवमाई ठिई प० / अहे सत्तमाए पुढवीए अत्थेगइयाणं णेरइयाणं एकतीसं सागरोवमाई ठिई प० / असुरकुमाराणं देवाणं अत्थेगइयाणं एकतीस पलिओवमाई ठिई प० / सोहम्मीसाणेसु कप्पेसु अत्थेगइयाणं देवाणं. एकतीसं पलिओवमाई ठिई प० / विजयवेजयंतजयंतअपराजियाणं देवाणं जहण्णेणं एक्वतीसं सागरोवमाई ठिई प० / जे देवा उवरिमउवरिमृगेवेजयविमाणेसु देवत्ताए उववण्णा तेसि णं देवाणं उक्कोसेणं एक्कतीस सागरोवमाइं ठिई प० / तेणं देवा एकतीसाए अद्धमासेहिं आणमंति वा पाणमंति वा उस्ससंति वा णीससंति वा / तेसि णं देवाणं एक्कतीसं (स) वास. सहस्सेहिं आहारट्टे समुप्पज्जइ / संतेगइया भवसिद्धिया जीवा जे एक्कतीसेहिं भवग्गहणेहिं सिन्झिस्संति बुज्झिस्संति मुच्चिस्संति परिणिव्वाइस्संति सव्वदुक्खाणमंतं करिस्संति // 31 // बत्तीसं जोगसंगहा प०, तं०-आलोयण, गिरवलावे, आवईसु दढधम्मया / अणिस्सिओवहाणे य, सिक्खा णिप्पडिकम्मया / / 1 / / अण्णायया, अलोभे य, तितिक्खा अज्जवे सुई / सम्मदिट्ठी समाही य, आयारे विणओवए // 2 // धिईमई य संवेगे, पणिही सुविहि संवरे। अत्तदोसोवसंहारे, सव्वकामविरत्तया / / .3 / / पञ्चक्खाणे विउस्सग्गे, अप्पमाए लवालवे / झाणसंवरजोगे य, उदए मारणंतिए / / 4 / / संगाणं च परिणाया, पायच्छित्तकरणे वि य / आराहणा
