________________ अंग-पविट्ठ सुत्ताणि पुणो / सहा हेउं सहीहेडं, महामोहं पकुम्बइ // 31 / / जे य माणुस्सए भोए, अदुवा पारलोइए / तेऽतिप्पयंतो आसयइ, महामोहं पकुव्वइ // 32 // इड्डी जुई जसो वण्णो, देवाणं बलवीरियं / तेसिं अवण्णवं बाले, महामोहं पकुव्वइ // 33 / / अपस्समाणो पस्सामि, देवे जक्खे य गुज्झगे / अण्णाणी जिणपूयट्ठी, महामोहं पकुव्वइ / / 34 / / थेरे णं मंडियपुत्ते तीसं वासाई सामण्णपरियायं पाउणित्ता सिद्ध बुद्धे जाव सव्वदुक्खप्पहीणे / एगमेगे णं अहोरत्ते तीसमुहुत्ते मुहुत्तग्गेणं प० / एएसि णं तीसाए मुहुत्ताणं तीसं णामधेजा 50, तं०-रोहे, सत्ते, मित्ते, वाऊ, सुपीए, अभिचंदे, माहिंदे, पलंबे, बंभे, सच्चे, आणंदे, विजए, विस्ससेणे, वायाबच्चे, उवसमे, ईसाणे, तढे, भावियप्पा, वेसमणे, वरुणे, सतरिसभे, गंधव्वे,अग्गिवेसायणे, आतवे, आवत्ते, तद्ववे, भूमहे, रिसभे, सव्वट्ठसिद्धे, रावसे / अरे णं अरहा तीसं धणु (णू) इं उर्दू उच्चत्तेणं होत्था। सहस्सारस्स णं देविंदस्स देवरणो तीसं सामाणियसाहस्सीओ प० / पासे णं अरहा तीसं वासाई अगारवासमज्झे वसित्ता अगाराओ अणगारियं पव्वइए / समणे भगवं महावीरे तीस वासाई अगारवासमझे वसित्ता अगाराओ अणगारियं पव्वइए / रयणप्पभाए णं पुढवीए तीसं णिरयावाससयसहस्सा प० / इमीसे णं रयणप्पभाए पुढवीए अत्थेगइयाणं णेरइयाणं तीसं पलिओवमाइं ठिई प० / अहे सत्तमाए पुढवीए अत्थेगइयाणं णेरइयाणं तीसं सागरोवमाइं ठिई प० / असुरकुमाराणं देवाणं अत्थेगइयाणं तीसं पलिओवमाई ठिई प० / सोहम्मीसाणेसु कप्पेसु देवाणं अत्थेगइयाणं तीसं पलिओवमाई ठिई प० / उवरिमउवरिमगेवेज्जयाणं देवाणं जहण्णणं तीसं सागरोवमाइं ठिई प० / जे देवा उवरिममज्झिमगेवेज्जएसु विमाणेसु देवत्ताए उवषण्णा तेसि णं देवाणं उक्कोसेणं तीसं सागरोवमाइं ठिई प० / ते णं देवा तीसाए अद्धमासेहिं आणमंति वा पाणमंति वा उस्ससंति वा णीससंति वा / तेसि णं देवाणं तीसाए वाससहस्सेहिं आहारटे समुप्पज्जइ। संतेगइया भवसिद्धिया जीवा जे तीसाए भवग्गहणेहिं सिज्झिस्संति बुज्झिरसंति मुचिस्संति परिणिव्वाइस्संति. सव्व. दुकावाणमंतं करिस्संति / / 30 || एक्कतीसं सिद्धाइगुणा पण्णत्ता, तं जहा-खीणे आभिणिबोहियणाणावरणे, खीणे सुयणाणावरणे, खीणे ओहिणाणावरणे, खीणे मणपज्जवणाणावरणे, खीणे केवलणाणावरणे, खीणे चक्खुदसणावरणे, खीणे
