________________ 376 अंग-पविट सुत्ताणि भवइ, परचकं ण भवइ, अइवुट्ठी ण भवइ, अणावुट्टी ण भवइ, दुभिक्खं ण भवइ, पुव्वुप्पण्णा वि य णं उप्पाइया वाही खिप्पमिव उवसमंति / जंबुद्दीवे णं दीने चउ. त्तीसं चकवट्टिविजया प० तं०-बत्तीसं महाविदेहे दो भरहे एरवए। जंबुद्दीवे णं दीवे चोत्तीसं दीहवेयड्डा प० / जंबुद्दीवे णं दीवे उक्कोसपए चोत्तीसं तित्थंकरा समुप्पज्जति / चमरस्स णं असुरिंदस्स असुररण्णो चोत्तीसं भवणावाससयसहस्सा प० / पढमपंचमछट्ठीसत्तमासु चउसु पुढवीसु चोत्तीसं णिरयावाससयसहस्सा प० // 34 / / पणतीसं सचवयणाइसेसा प० / कुंथू णं अरहा पणतीसं धणूई उई उच्चत्तेणं होत्था। दत्ते णं वासुदेवे पणतीसं धणूई उड्ढे उच्चत्तणं होत्था / णंदणे णं बलदेवे पणतीसं धणूई उड्ढे उच्चत्तणं होत्था / सोहम्मे कप्पे सुहम्माए सभाए माणवए चेइयक्खंभे हेट्ठा उवरिं च अद्धतेरस 2 जोयणाणि वजेत्ता मज्झे पणतीस जोयणेसु वइरामएसु गोलवट्टसमुग्गएसु जिण सकहाओ प० / बिइयच उत्थीसु दोसु पुढवीसु पणतीसं णिरयावाससयसहस्सा प० // 35 // छत्तीसं उत्तरज्झयणा प० तं०–विणयसुयं, परीसहो, चाउरंगिज्जं, असंखयं, अकाममरणिजं पुरिसविजा, उरब्भिज्जं, काविलियं, णमिपव्वज्जा, दुमपत्तयं, बहुसुयपूया, हरिए सिज्जं, चित्तसंभूयं, उसूयारिजं, सभिक्खुगं, समाहिठाणाई, पावसमणिज्जं, संजइज्जं, मियचारिया, अणाहपव्वज्जा, समुद्दपालिज्जं, रहणेमिज्जं, गोयमकेसिज्जं, समिईओ, जण्णइज्जं, सामायारी, खलुंकिज्जं, मोक्खमग्गगई, अप्पमाओ,. तवोमग्गो, चरणविही, पमायठाणाई कम्मपयडी, लेसज्झयणं, अणगारमग्गे, जीवाजीवविभत्ती य / चमरस्स णं असुरिंदस्स असुररणो सभा सुहम्मा छत्तीसं जोयणाई उर्दू उच्चत्तेणं होत्था / समणस्स णं भगवओ महावीरस्स छत्तीसं अजाणं साहस्सीओ होत्था / चेत्तासोएसु णं मासेसु सइ छत्तीसंगुलियं सूरिए पोरिसिछायं णिवत्तइ / / 36 // कुंथुस्स णं अरहओ सत्ततीसं गणा सत्ततीसं गणहरा होत्था। हेमवयहेरण्णवयाओ णं जीवाओ सत्ततीसं जोयणसहस्साई छच्च चउसत्तरे जोयणसए सोलस य एगूणवीसइभाए जोयणस्स किंचि. विसेसूणाओ आयामेणं पण्णत्ताओ। सव्वासु णं विजयवेजयंतजयंतअपराजियासु रायहाणीसु पागारा सत्ततीसं सत्ततीसं जोयणाई उढे उच्चत्तेणं प० / खुड्डियाए णं विमाणपविभत्तीए पढमे वग्गे सत्ततीसं उद्देसणकाला प० ! कत्तियबहुलसत्तमीए णं सूरिए सत्ततीसंगुलियं पोरिसिछायं णिव्वत्तइत्ता णं चार चरइ / / 37 / / पासस्स
