________________ समवाओ स० 26-27 367 पवाए ण पडंति / रत्तारत्तवईओ णं महाणईओ पणवीसं गाउयाणि पुहुत्तेणं मकर (घड) मुहपवित्तिएणं मुत्तावलिहारसंठिएणं पवाएण पडंति / लोगबिंदुसारस्स णं पुवस्स पणवीसं वत्यू प० / इमीसे णं रयणप्पभाए पुढवीए अत्थेगइयाणं णेरइयाणं पणवीसं पलिओवमाई ठिई प० / अहे सत्तमाए पुढवीए अत्थेगइयाणं णेरइयाणं पणवीसं सागरोवमाइं ठिई प० / असुरकुमाराणं देवाणं अत्थेगइयाणं पणवीसं पलिओवमाइं ठिई प० / सोहम्मीसाणे णं देवाणं अत्थेगइयाणं पणवीसं पलिओ. वमाई ठिई प० / मज्झिमहेढिमगेवेजाणं देवाणं जहण्णेणं पणवीसं सागरोवमाई ठिई प० / जे देवा हेट्ठिमउवरिमगेवेजगविमाणेसु देवत्ताए उववण्णा तेसि णं देवाणं उक्कोसेणं पणवीसं सागरोवमाई ठिई प० / ते णं देवा पणवीसाए अद्धमासेहिं आणमंति वा पाणमंति वा उस्ससंति वा णीससंति वा / तेसि णं देवाणं पणवीसं वाससहस्सेहिं आहारट्टे समुप्पज्जइ / संतेगइया भवसिद्धिया जीवा जे पणवीसाए भवग्गणेहिं सिज्झिस्संति बुज्झिस्संति मुचिस्संति परिणिव्वाइस्संति सव्व. दुकावाणमंतं करिस्संति / / 25 // छव्वीसं दसकप्पववहाराणं उद्देसणकाला प०, तं०दस दसाणं छ कप्पस्स दस ववहारस्स / अभवसिद्धियाणं जीवाणं मोहणिज्जस्स कम्मस्स छब्बीसं कम्मंसा संतकम्मा प०, तं०-मिच्छत्तमोहणिज्जं सोलस कसाया इत्थीवेए पुरिसवेए णपुंसकवेए हासं अरइ रइ भयं सोगं दुगुंछा / इमीसे णं रयणप्पभाए पुढवीए अत्थेगइयाणं णेरइयाणं छव्वीसं पलिओवमाई ठिई प० / अहे सत्तमाए पुढवीए अत्थेगइयाणं णेरइयाणं छब्बीसं सागरोवमाइं ठिई प० / असुरकुमाराणं देवाणं अत्थेगइयाणं छब्बीसं पलिओवमाई ठिई प० / सोहम्मीसाणे णं देवाणं अत्यंगइयाणं छव्वीसं पलिओवमाइं ठिई पण्णत्ता / मज्झिममज्झिमगेवेज्जयाणं देवाणं जहण्णेणं छव्वीसं सागरोवमाई ठिई प० / जे देवा मज्झिमहेछिमगेवेजयविमाणेसु देवत्ताए उववण्णा तेसि णं देवाणं उक्कोसेणं उव्वीसं सागरोवमाई ठिइ प० / ते णं देवा छव्वीसाए अद्धमासेहिं आणमंति वा पाणमंति वा उस्ससंति वा णीससंति वा / तेसि णं देवाणं छव्वीसं वाससहस्सेहिं आहारट्टे समुप्पज्जइ / संतेगइया भवसिद्धिया जीवा जे छव्वीसेहिं भवग्गहणेहिं सिज्झिस्संति बुज्झिस्संति मुच्चिस्संति परिणिव्वाइस्संति सव्वदुक्खाणमंतं करिस्संति।।२६॥ सत्तावीसं अणगारगुणा प०२०पाणाइवायाओ वेरमणं, मुसावायाओ वेरमणं, अदिण्णदाणाओ वेरमणं, मेहुणाओ
