________________ 366 अंग-पविट्ठ सुत्ताणि हेट्ठिममज्झिमगेवेज्जयविमाणेसु देवत्ताए उववण्णा तेसि णं देवाणं उक्कोसेणं चउवीसं सागरोवमाई ठिई प० / ते ण देवा चउवीसाए अद्ध मासाणं आणमंति वा पाणमंति वा ऊससंति वा णीससंति वा / तेसि णं देवाणं चउवीसाए वाससहस्सेहिं आहारटे समुप्पज्जइ / संतेगइया भवसिद्धिया जीवा जे चउवीसाए भवग्गहणेहिं सिज्झिस्संति बुज्झिस्संति मुचिस्सति परिणिव्वाइस्संति सव्वदुक्खाणमंतं करिसंति / / 24 // पुरिमपच्छिमगाणं तित्थगराणं पंचजामस्स पणवीसं भावणाओ प० तं०-इरियासमिई, मणगुत्ती, वयगुत्ती, आलोयभायणभोयणं, आदाणभंडमत्त. णिक्खेवणासमिई, अणुवीइभासणया, कोहेविवेगे, लोभविवेगे, भयविवेगे, हास. विवेगे, उग्गहअणुण्णवणया, उग्गहसीमजाणणया, सयमेव उग्गहं अणुगिण्हणया, साहम्मियउग्गहं अणुण्णविय परिभुंजणया, साहारणभत्तपाणं अणुण्णविय पडि. भुंजणया, इत्थीपसुपंडगसंसत्तगसयणासणवज्जणया, इत्थीकह विवज्जणया, इत्थीणं इंदियाणमालोयणवज्जणया, पुव्वरयपुव्वकीलियाणं अणणुसरणया, पणीताहारविवज्ज. णया, सोइंदियरागोवरई, चक्खिदियरागोवरई, घाणिंदियरागोवरई, जिभिदियरागोवरई, फासिंदियरागोवरई / मल्ली णं अरहा पणवीसं धणुइं उर्दू उच्चत्तेणं होत्था / सव्वेवि दीहवेयड्डपब्वया पणवीसं जोयणाणि उट्ठे उच्चत्तेणं पण्णत्ता पणवीसं पणवीसं गाउयाणि उव्विद्धेणं प० / दोच्चाए णं पुढवीए पणवीसं णिरयावाससयसहस्सा पण्णत्ता / आयारस्स णं भगवओ सचूलिआयस्स पणवीसं अज्झयणा पण्णत्ता, तं०सत्थपरिण्णा लोगविजओ सीओसणीअ सम्मत्तं / आवंति धुय विमोह उवहाणसुयं महपरिण्णा / पिंडेसण सिज्जिरिआ भासज्झयणा य वत्थ पाएसा / उग्गहपडिमा सत्तिकसत्तया भावण विमुत्ती / णिसीहज्झयणं पणवीसइमं / मिच्छादिहि विगलिं. दिए णं अपज्जत्तए णं संकिलिट्ठपरिणामे णामस्स कम्मस्स पणवीसं उत्तरपयडीओ णिबंधइ तिरियगइणामं विगलिंदियजाइणामं ओरालियसरीरणामं तेअगसरीरणामं कम्मणसरीरणामं हुंडगसंठाणणामं ओरालियसरीरंगोवंगणामं छेवट्ठसंघयणणाम वण्णणामं गंधणामं रसणामं फासणामं तिरियाणुपुविणामं अगुरुलहुणामं उवघाय. णाम तसणामं बादरणामं अपजत्तयणामं पत्तेयसरीरणामं अथिरणामं असुभणामं दुभगणामं अणादेज्जणामं अजसोकित्तिणामं णिम्माणणामं / गंगासिंधूओ णं महाणईओ पणवीसं गाउयाणि पुहुत्तेणं दुहओ घडमुहपवित्तिएणं मुत्तावलिहारसंठिएणं
