________________ समवाओ स०२४ 365 पासो वद्धमाणो य, उसमे णं अरहा कोसलिए चोहसपुव्वी होत्था / जंबुद्दीवे णं दीवे इमीसे ओसप्पिणीए तेवीसं तित्थयरा पुव्वभवे मंडलियरायाणो होत्था, तं जहा-अजित संभव अभिणंदण जाव पासो वद्धमाणो य, उसमे णं अरहा कोस. लिए पुत्वभवे चक्कवट्टी होत्था / इमीसे णं रयणप्पभाए पुढवीए अत्थेगइयाणं णेरइयाणं तेवीसं पलिओवमाई ठिई प० / अहेसत्तमाए णं पुढवीए अत्थे. गइयाणं णेरइयाणं तेवीसं सागरोवमाई ठिई प० / असुरकुमाराणं देवाणं अत्थेगइयाणं तेवीसं पलिओवमाई ठिई प० / सोहम्मीसाणाणं. देवाणं अत्थेगइयाणं तेवीसं पलिओवमाई ठिई प० / हेटिममज्झिमगेविजाणं देवाणं जहण्णेणं तेवीसं सागरोवमाई ठिई प० / जे देवा हेछिमहेडिमगेवेजयविमाणेसु देवत्ताए उववण्णा तेसि णं देवाणं उक्कोसेणं तेवीस सागरोवमाई ठिई प० / ते णं देवा तेवीसाए अद्धमासाणं (मासेहिं) आणमंति वा पाणमंति वा ऊससंति वा णीससंति वा। तेसि णं देवाणं तेवीसाए वाससहस्सेहिं आहारट्टे समुप्पज्जइ / संतेगइया भवसिद्धिया जीवा जे तेवीसाए भवग्गहणेहिं सिन्झिस्संति बुज्झिस्संति मुच्चिस्संति परिणिव्वाइस्संति सम्वदुक्खाणमंतं करिस्संति // 23 // चउव्वीसं देवाहिदेवा प० तं जहा-उसभअजितसंभवअभिणंदणसुमइपउमप्पहसुपासचंदप्पहसुविधिसीयलसिज्जंस. वासुपुज्जविमलअणंतधम्मसंतिकुंथुअरमल्लीमुणिसुव्वयणमिणेमीपासवद्धमाणा / चुल्ल.. हिमवंतसिहरीणं वासहरपव्वयाणं जीवाओ चउव्वीसं चउव्वीसं जोयणसहस्साई णवत्तीसे जोयणसएं एगं अट्ठत्तीसइभागं जोयणस्स किंचि विसेसाहियाओ आया. मेणं प० / चउवीसं देवठाणा सइंदया पं० सेसा अहमिंदा अणिंदा अपुरोहिया / उत्तरायणगए णं सूरिए चउवीसंगुलियं पोरिसिछायं णिव्वत्तइत्ता णं णिअट्टइ / गंगासिंधूओ णं महाणईओ पवाहे साइरेगेणं चउवीसं कोसे वित्थारेणं प० / रत्तारत्तवईओ णं महाणईओ पवाहे साइरेगे चउवीस कोसे वित्थारेणं प० / इमीसे णं रयणप्पभाए पुढवीए अत्थेगइयाण णेरइयाणं चउवीसं पलिओवमाई ठिई प० / अहेसत्तमाए पुढवीए अत्थेगइयाणं णेरइयाणं चउवीसं सागरोवमाई ठिई प० / असुरकुमाराणं देवाणं अत्थेगइयाणं चउवीसं पलिओवमाई ठिई प० / * सोहम्मीसाणेसु कप्पेसु अत्थेगइयाणं देवाणं चउवीसं पलिओवमाई ठिई प० / हेट्टिमउवरिमगेविजाणं देवाणं जहण्णेणं चउवीसं सागरोवमाई ठिई प० / जे देवा
