________________ अंग-पविट्ठ सुत्ताणि वेरमणं, परिग्गहाओ वेरमणं, सोई दियणिग्गहे, चक्खिदियणिग्गहे, घागिदियणिग्गहे, जिभिदियणिग्गहे, फासिंदियणिग्गहे, कोहविवेगे, माणविवेगे, मायाविवेगे, लोभविवेगे, भावसच्चे, करणसचे, जोगसच्चे, खमा, विरागया, मणसमाहरणया, वयसमाहरणया, कायसमाहरणया, णाणसंपण्णया, दंसणसंपण्णया, चरित्तसंपण्णया, वेयणअहियासणया, मारणंतियअहियासणया / जंबुद्दीवे दीवे अभिइवजेहिं सत्तावीसाए णखत्तेहिं संववहारे वट्टइ / एगमेगे णं णक्खत्तमासे सत्तावीसाहिँ राइंदि. याहिं राइंदियग्गेणं प० / सोहम्मीसाणेसु कप्पेसु विमाणपुढवी सत्तावीसं जोयणसयाई बाहल्लेणं पण्णत्ता / वेयगसम्मत्तबंधोवरयस्स णं मोहणिज्जस्स कम्मस्स सत्तावीसं उत्तरपयडीओ संतकम्मंसा प० / सावणसुद्धसत्तमीसु णं सूरिए सत्तावीमंगुलीयं पोरिसिच्छायं णिवत्तइत्ता णं दिवसखेत्तं णियट्टेमाणे रयणिखेत्तं अभिणिवट्टमाणे चारं चरइ / इमीसे णं रयणप्पभाए पुढवीए अत्थेगइयाणं णेरइयाणं सत्तावीस पलिओवमाई ठिई प० / अहे सत्तमाए पुढवीए अत्थेगइयाणं णेरइयाणं सत्तावीसं सागरोवमाई ठिई प० / असुरकुमाराणं देवाणं अत्थेगइयाणं सत्तावीस पलि. ओवमाइं ठिई प० / सोहम्मीसाणेसु कप्पेसु अत्थेगइयाणं देवाणं सत्तावीस पलिओवमाई ठिई प० / मज्झिमउवरिमगेवेजयाणं देवाणं जह्मणेणं सत्तावीस सागरोवमाई ठिई प० / जे देवा मज्झिममझिमगेवेज्जयविमाणेसु देवत्ताए उववण्णा तेसि ण देवाणं उक्कोसेणं सत्तावीसं सागरोवमाइं ठिई प० / ते णं देवा सत्तावीसाए अद्धमासेहिं आणमंति वा पाणमंति वा उस्ससंति वा णीससंति वा / तेसि णं देवाणं सत्तावीसवाससहस्सेहिं आहारढे समुप्पज्जइ / संतेगइया भवसिद्धिया जीवा जे सत्तावीसाए भवग्गहणेहिं सिज्झिस्संति बुज्झिस्संति मुच्चिस्संति परिणिव्वाइ. स्संति सव्वदुक्खाणमंत करिस्सति।२७।अट्ठावीसविहे आयारपकप्पे प०,तं०-मासिया आरोवणा, सपंचराईमासिया आरोवणा, सदसराइमासिया आरोवणा, (सपण्णरस. राइमासिया आरोवणा, सवीसइराइमासिया आरोवणा, सपंचवीसराइमासिया आरोवणा) एवं चैव दोमा सिया आरोवणा, सपंचराईदोमासिया आरोवणा, एवं तिमा. सिया आरोवणा, चउमासिया आरोवणा, उवघाइया आरोवणा, अणुवघाइया आरोवणा, कसिणा आरोवणा, अकसिणा आरोवणा, एतावताक्आयारपकप्पे एतावताव आयरियव्वे / भवसिद्धियाणं जीवाणं अत्थेगइयाणं मोहणि जस्स कम्मस्स अट्ठा
