________________ आयारो सु. 1 अ. 8 उ. 1 25 वा, जणवएसु वा, जणवयंतरेसु वा, गामणयरंतरे वा, गामजणवयंतरे वा, णगरजणवयंतरे वा, संतेगइया जणा लूसगा भवंति, अदुवा फासा फुसंति, ते फासे पुट्ठो धीरो अहियासए ओए समियदसणे // 383 / / दयं लोगस्स, जाणित्ता पाईणं पडीणं, दाहिणं, उदीणं, आइक्खे; विभए, किट्टे वेयवी // 384 // से उठिएसु वा, अणुट्टिएसु वा सुस्सूसमाणेसु पवेयए, संति,विरई, उवसम, णिव्वाणं, सोयं अज्जवियं महवियं लाघवियं अणइवत्तिय // 385 / / सव्वेसिं पाणाणं सव्वेसिं भूयाणं सव्वेसिं सत्ताणं अणुवीइ भिक्खू धम्ममाइक्खेब्जा // 386 // अणुवीइ भिक्खू धम्ममाइक्खमाणे णो अत्ताणं आसाइज्जा, णो परं आसाइज्जा, णो अण्णाइं पाणाई भूयाई जीवाइं सत्ताई आसाएज्जा ॥३८७||से अणासायए अणासायमाणे वज्झमाणाणं पाणाणं भूयाणं जीवाणं सत्ताणं, जहा से दीवे असंदीणे एवं से भवइ सरणं महामुणी // 388 // एवं से उढिए ठियप्पा अणि हे अचले चले अबहिल्लेप्से परिव्वए // 389 // संखाय पेसलं धम्मं, दिद्विमं परिणिबुडे // 390 // तम्हा संगई पासह, गंथेहिं गढिया णरा विसण्णा कामकंता, तम्हा लूहाओ णो परिवित्तसेज्जा // 391 / / जस्सिमे आरंभा सव्वओ सव्वप्पयाए सुपरिण्णाया भवंति जेसिमे लूसिणो णो परिवित्तसंति से वंता कोहं च माणं च मायं च लोभं च, एस तुट्टे वियाहिए त्ति बेमि ||392 // कायस्स वियाघाए एस संगामसीसे वियाहिए, से हु पारंगमे मुणी, अविहम्ममाणे फलगावयट्ठी कालोवणीए कंखेज्जकालं जाव सरीर भेउत्ति बेमि // 393 // // धूताक्खं णाम छ?मज्झयणं समत्तं / / // महापरिण्णा नाम सत्तमज्झयणं वोच्छिण्णं / / विमोक्ख णाम अट्ठमं अज्झयणं से बेमि समगुण्णस्स वा असमणुणस्स वा असणं वा, पाणं वा, खाइम वा, साइमं वा; वत्थं वा, पडिग्गहं वा, कंबलं वा, पायपुंच्छणं वा णो पाएजा, णो णिमंतिज्जा णो कुन्जा वेयावडियं परं आढायमाणे त्ति बेमि // 394 // धुवं चेयं जाणेज्जा असणं वा जाव पायपुंछणं वा, लभिया णो लभिया, भुजिया णो भुंजिया पंथं विउत्ता विउकम्म विभत्तं धम्म जोसे माणे समेमाणे चलेमाणे पाएज्जा वा णिमंतेजा वा कुज्जा वेयावडियं परं अणाढायमाणे त्ति बेमि // 395 // इहमेगेसि आयारगोयरे णो सुणिसंते भवइ, ते इह आरंभट्ठी अणुवयमाणा "हण पाणा"घायमाणा हणओ यावि समणुजाणमाणा अदुवा अदि ण्णमाययंति, अदुवा वायाउ विउज्नंति; तंजहा-अत्थि लोए णत्थि लोए धुवे लोए अधुवे लोए साइए लोए अणाइए लोए सपन्जवसिए लोए अपज्जवसिए लोए मुकडेत्ति वा दुक्कडेत्ति वा कल्लाणेत्ति वा पावेत्ति वा साहुत्ति वा असाहुत्ति वा, सिद्धीत्ति
