________________ 26 अंग-पक्ट्रि सुत्ताणि वा, असिद्धीत्ति वा, णिरएत्ति वा अणिरएत्ति वा / / 396 // जमिणं विप्पडिवण्णा "मामगं धम्म" पण्णवेमाणा, इत्थवि जाणह अकम्हा / एवं तेसिं णो सुअक्खाए धम्मे णो सुपण्णत्ते धम्मे भवइ, से जहेयं भगवया पवेइयं आसुपण्णेण जाणया पासया, अदुवा गुत्ती वओगोयरस्स त्ति बेमि // 397|| सव्वत्थ संमयं पावं, तमेव उवाइकम्म, एस महं विवेगे वियाहिए // 398 / / गामे वा अदुवा रण्णे; णेव गामे णेव रण्णे, धम्ममायाणह पवेइयं माहणेण मईमया // 399 // जामा तिण्णि उदाहिया, जेसु आयरिया संबुज्झमाणा समुट्ठिया // 400|| जे णिव्वुयापावेहिं कम्मेहिं अणियाणा ते वियाहिया // 401 // उड्ढे अहं तिरियं दिसासु सध्वओ सव्वावंति च णं पाडियकं जीवहिं कम्मसमारंभे णं / / 402 // तं परिण्णाय मेहावी णेव सयं एएहिं काएहिं दंडं समारंभेजा, णेवण्णे एएहिं काए हिं दंड समारंभावेजा, णेवण्णे एएहिं काए हिं दंडं समारंभंतेवि समणुजाणेजा // 403 // जेयपणे एएहिं काए हिं दंडं समारंभंति तेसिपि वयं लज्जामो / / 404 // तं परिणाय मेहावी तं वा दंड अण्णं वा दंडं णो दंडभी, दंडं समारंभेजासि त्ति बेमि // 40 // पढमोहेसो समत्तो॥ से भिक्खू परक्कमेज वा, चिढेज वा, णिसीए ज्ज वा, तुयट्टेज वा, सुसाणंसि वा सुण्णागारंसि वा, गिरिगुहंसि वा, रुक्खमूलसि वा, कुंभारायणंसि वा, हुरत्था वा कहिं चि विहरमाणं तं भिक्खं उवसंकमित्तु गाहावई बूया आउसंतो समणा! अहं खलु तव अट्ठाए असणं वा, पाणं वा, खाइमं वा, साइमं वा, वत्थं वा, पडिग्गहं वा, कंचलं वा, पायपुंछणं वा, पाणाइं भूयाई जीवाई, सत्ताइं समारब्भ समुहिस्स. कीयं, पामिच्चं अच्छिकं, अणिसिटुं, अभिहडं आहटु चेए मि, आवसहं वा समुस्सिणामि, से भुंजह, वसह ।।४०६॥आउसंतो समणा ! भिक्खू तं गाहावई समणसं सवयर्स पडियाइक्खे आउसंतो गाहावई ! णो खलु ते वयणं आढामि, णो खलु ते वयणं परिजाणामि, जो तुमं मम अट्ठाए असणं वा 4 वत्थं वा 4 पाणाई वा, 4 जाव समारम्भ समूहिस्स कीयं पामिचं, अच्छिज्जं, अणिसटुं, अभिहडं आह१ चेए सि, आवसहं वा समुस्सिणासि, से विरओ आउसो ! गाहावई ! एयस्त अकरणयाए // 407 // से भिक्खं परिक्कमेज्ज वा जाव हुरत्था वा कहिं चि विहरमाणं तं भिक्खु उवसंकमित्तु गाहावई आयगयाए पेहाए असणं वा 4 वत्थं वा 4 पाणाई 4 जाव आह? चेएइ आवसहं न समुस्सिणाइ तं भिक्खं परिघासिउं, तं च भिक्खू जाणेज्जा सह संमइयाए परवागरणेणं अण्णेसिं वा अंतिए सोचा "अयं खलु गाहावई ! मम अट्ठाए असणं वा 4 वत्थं वा 4 पाणाई वा 4 समारब्भ जाव चेएइ आवसह वा समुस्सिणाइ तं च भिक्खू संप.
