________________ 350 अंग-पविट्ठ सुत्ताणि भवग्गहणेहिं सिज्झिरसंति बुज्झिस्संति जाव अंतं करिस्सति / / 8 // णव बंभचरगुत्तीओ पणत्ताओ तं०-णो इत्थीपसुपंडगसंसत्ताणि सिज्जासणाणि सेवित्ता भवइ, णो इत्थीणं कहं कहित्ता भवइ, णो इत्थीणं गणाई सेवित्ता भवइ, णो इत्थीण इंदियाणि मणोहराई मणोरमाई आलोइत्ता णिज्झाइत्ता भवइ, णो पणीयरमभोई, णो पाणभोयणस्स अइमायाए आहारइत्ता, णो इत्थीणं पुवरयाई पुव्यकीलिआई समरइत्ता भवइ, णो सहाणुवाई णो रूवाणुवाई णो गंधागुवाई णो रसाणुवाई णो फासाणुवाई णो सिलोगाणुवाई, णो सायासोक्खपडिबद्धे यावि भवइ / णव बंभचेरअगुत्तीओ पण्णताओ तं०-इत्थीपसुपंडगसंसत्ताणं सिज्जासणाणं सेवणया जाव सायासुक्वपडिबद्धे यावि भवइ / णव बंभचेरा प०, तं०–सत्थपरिणा लोगविजओ सीओसणिज्ज सम्मत्तं / आवंति धुय विमोहा यणं] उवहाणसुयं मरिणा। पासे णं अरहा पुरिसादाणीए णव र यगीओ उद्धं उच्चत्तणं हुत्था / अभीजि णक्खत्ते साइरेगे णव मुहुत्ते चंदेणं सद्धि जोगं जोएइ। अभीजियाइया णव णवत्ता चंदस्स उत्तरेणं जोगं जोएं ति, तं०-अभीजि सवणो जाव भरणी / इमीसे णं रयणप्पभाए पुढवीए बहुसमरमणिज्जाओ भूमिभागाओ णव जोयणसए उद्धं अबाहाए उवरिल्ले तारारूवे चारं चरइ / जंबुद्दीवे णं दीवे णवजोयणिया मच्छा पविसिंसु वा 3 / विजयस्स णं दारस्स एगमेगाए बाहाए णव णव भोमा प० / वाणमंतराणं देवाणं सभाओ सुहम्माओ णव जोयणाई उद्धं उच्चत्तणं प० / ईसणावरणिज्जस्स णं कम्मस्स णव उत्तरपगडीओ प०, तं०-णिहा पयला गिहाणिदा पयलायला थीणद्धी चक्खुदसणावरणे अचखुदंसणावरणे ओहिदंसणावरणे केवलदसणावरणे / इमीसे ण रयणप्पभाए पुढवीए अत्थेगइयाणं णेरइयाणं णव पलिओवमाइं ठिई प० / चउत्थीए पुढवीए अत्थेगइयाणं णेरइयाणं णव सागरोवमाई ठिई प० / असुरकुमाराणं देवाणं अत्थेगइयाणं णव पलिओवमाई ठिई प० / सोहम्मीमाणेसु कप्पेसु अत्थेगइयाणं देवाणं णव पलिओवमाई ठिई प० / बंभलोए कप्पे अत्थेगइयाणं देवाणं णव सागरोवमाई ठिई प | जे देवा पम्हं सुपम्हं पम्हावत्तं पम्हप्पभं पम्हकंतं पम्हवण्णं पम्हलेसं पम्हज्झयं पम्हसिंगं पम्ह सिढे पम्हकूडं पम्हुत्तरवडिंसगं सुळे सुसुजं सुजवित्तं सुज्जपभं सुज्जकंतं सुज्जवण्णं सुज्जलेसं सुज्जज्झयं सुज्जसिंगं सुज्जसिहँ सुज्जकूडं सुज्जुत्तरवडिंसगं रुइल्लं रुइल्लावत्तं रुइल्प्पभं रइल कंतं रुइल्लवण्णं र इल्ललेसं रुइल्लज्झयं रुइल्लूसिंगं रुइल्लूसिहं रुइल्लकूडं रुइल्लुत्तरवडिंसगं विमाणं
