________________ समवाओ स० 10 351 देवत्ताए उववण्णा तेसि णं देवाणं णव सागरोवमाई ठिई प० / ते णं देवा णवण्हं अद्धमासाणं आणमंति वा पाणमंति वा ऊससंति वा णीससंति वा। तेसि णं देवाणं गवहिँ वाससहस्सेहिं आहारट्टे समुप्पज्जइ / संतेगइया भवसिद्धिया जीवा जे णवहिं भवग्गहणेहिं सिज्झिस्मंति जाव सव्वदुक्वाणमंतं करिस्संति / / 9 / / दसविहे समण. धम्मे प०, तं०-खंती मुत्ती अजवे मद्दवे लाघवे सच्चे संजमे तवे चियाए बंभ. चेरवासे / दस चित्तसमाहिट्ठाणा प०, तं०-धम्मचिंता वा से असमुप्पण्णपुव्वा समुप्पजि जा सव्वं धम्मं जाणित्तए, सुमिणदंसणे वा से असमुप्पण्णपुव्वे समुप्पजिज्जा अहातचं सुमिणं पासित्तए, सण्णिणाणे वा से असमुप्पण्णपुव्वे समुप्पज्जिज्जा पुव्वभवे सुमरित्तए, देवदंसणे वा से असमुप्पण्णपुव्वे समुप्पज्जिज्जा दिव्वं देविद्धिं दिव्वं देवजुई दिव्वं देवाणुभावं पासित्तए, ओहिणाणे वा से असमुप्पण्णपुवे समुपजिजा ओहिणा लोगं जाणित्तए, ओहिदंसणे वा से असमुप्पण्णपुव्वे समुप्पजिजा ओहिणा लोगं पासित्तए, मणपजवणाणे वा से असमुप्पण्णपुव्वे समुप्पजिजा जाव मणोगए भावे जाणित्तए, केवलणाणे वा से असमुप्पण्णपुव्वे समुप्पजिजा केवलं लोगं जाणित्तए, केवलदसणे वा से असमुप्पण्णपुव्वे समुप्पजिजा केवलं लोयं पासित्तए, केवलिमरणं वा मरिजा सम्वदुक्खप्पहीणाए। मंदरे णं पचए मूले दस जोयणसहस्साई विक्खंभेणं प० / अरहा णं अरिट्ठणेमी दस धणूई उद्धं उच्चत्तेणं होत्था | काहे णं वासुदेवे दस धणूई उद्धं उच्चत्तेणं होत्था / रामेणं बलदेवे दस धणूई उद्धं उच्चत्तेणं होत्था / दस णवत्ता जाणवुद्धिकरा प० तं:“मिगसिर अद्दा पुस्सो तिणि अ पुवा य मूलमस्सेसा / हत्थो चित्तो य तहा, दस वुड्डिकराई णाणस्स / " अकम्मभूमियाण मणुआणं दसविहा रुकावा उवभोगत्ताए उपस्थिया प० तं०.-"मत्तंगया य भिंगा, तुडि अंगा दीव जोइ चित्तंगा। चित्तरसा मणिअंगा, गेहागारा अणिगिणा य // 1 // " इमीसे णं रयणप्पभाए पुढवीए अत्थेगइयाणं णेरइयागं जहणणेणं दस वाससहस्साई ठिई प० / इमीसे णं रयणप्प. भाए पुढवीए अत्थेगइयाणं णेरइयाणं दस पलिओवमाइं ठिई प० / चउत्थीए पुढवीए दस णिरयावाससयसहस्साई प० / चउत्थीए पुढवीए णेरइयाणं अत्थे. गइयाणं उक्कोसेणं दस सागरोवमाई ठिई प० / पंचमीए पुढवीए अत्थेगइयाणं गेरइयाणं जहणणेणं दस सागरोवमाई ठिई प० / असुरकुमाराणं देवागं अत्थे. गइयाणं जपणेणं दस वाससहस्साई ठिई प० / असुरिंदवजाणं भोमिज्जाणं देवाणे
