________________ समवाओ स०८ 349 विमाणं देवत्ताए उववण्णा तेसि ण देवाणं उक्कोसेणं सत्त सागरोवमाई ठिई प० / ते णं देवा सत्तण्हं अद्धमासाणं आणमंति वा पाणमंति वा उससंति वा णीससंति वा। तेसि णं देवाणं सत्तहिं वाससहस्मेहिं आहारट्टे समुप्पज्जइ / संतेगइया भवसिद्धिया जीवा जे णं सत्तहिं भवग्गहणेहिं सिज्झिस्संति जाव सव्वदुक्खाणमंतं करिस्संति / / 7 // अट्ठ मयट्ठाणा प० तं०-जाइमए कुलमए बलमए रूवमए तवमए सुयमए लाभमए इस्सरियमए / अट्ठ पवयणमायाओ प० तं०-इरियासमिई भासासमिई एसणासमिई आयाणभंडमत्तणिक्खेवणासमिई उच्चारपासवणखेलसिंघाणजल्लपारिट्ठावणियासमिई मणगुत्ती वइगुत्ती कायगुत्ती / वाणमंतराणं देवाणं चेइय रुक्खा अट्ठ जोयणाई उद्धं उच्चत्तेणं पण्णत्ता | जंबू णं सुदंसणा अट्ठ जोयणाई उद्धं उच्चत्तणं प० / कूडसामली णं गरुलावासे अट्ठ जोयणाई उद्धं उच्चत्तेणं प० / जंबु दीवस्स णं जगई अट्ठ जोयणाई उद्धं उच्चत्तेणं प० / अट्ठसामइए केवलिसमुग्घाए प० त०-पढमे समए दंडं करेइ, बीए समए कवाडं करेइ, तइए समए मंथं करेइ, चउत्थे समए मंथंतराई पूरेइ, पंचमे समए मंथंतराई पडिसाहरइ, छठे समए मंथं पडिसाहरड, सत्तमे समए कवाडं पडिसाहरइ, अट्ठमे समए दंडं पडिसाहरइ, तओ पच्छा सरीरत्थे भवइ / पासस्स णं अरहओ पुरिसादाणियस्स अट्ठ गणा अट्ठ गणहरा हुत्था, तं०-सुभे य सुभघोसे य, वसिटे बंभयारि य / सोमे सिरिधरे चेव, वीरभद्दे जसे इय (1) अट्ठ णक्खत्ता चंदेणं सद्धि पमहं जोगें जोएं ति, तं०-कत्तिया, रोहिणी, पुणव्वसू , महा, चित्ता, विसाहा, अणुराहा, जेट्ठा / इमीसे णं. रयणप्पभाए पुढवीए अत्थेगइयाणं णेर. इयाणं अट्ठ पलिओवमाइं ठिई प० / चउत्थीए पुढवीए अत्थेगइयाणं णेरइयाणं अट्ठ सागरोवमाई ठिई प० / असुरकुमाराणं देवाणं अत्थेगइयाणं अट्ठ पलि. ओउमाई ठिई प० / सोहम्मीसाणेसु कप्पेसु अत्थेगइयाणं देवाणं अट्ट. पलिओ. वमाई ठिई प० / बंभलोए कप्पे अत्थेगइयाणं देवाणं अट्ठ सागरोवमाई ठिई प० / जे देवा अच्चिं अच्चिमालिं वइरोयणं पभंकर चंदाभं सूराभं सुपइट्ठाभं अग्गिच्चाभं रिट्ठाभं अरुणाभं अरुणुत्तरवडिंसगं विमाणं देवत्ताए उववण्णा तेसि .णं देवाणं उक्कोसेणं अट्ठ सागरोवमाइं ठिई प० / ते णं देवा अट्ठण्हं अद्धमासाणं आगमंतिं वा पाणमंति वा ऊससंति वा णीससंति वा / तेसि णं देवाणं अहिं वाससहस्सेहिं आहारढे समुप्पज्जइ / संतेगइया भव सिद्धिया जीवा जे अट्ठहिं
