Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 361

348 अंग-पविट्ट सुत्ताणि देवाणं छ पलिओवमाई ठिई प० / सणंकुमारमाहिं देसु कप्पेसु अत्थेगइयाणं देवाणं छ सागरोवमाइं ठिई प० / जे देवा सयंभु संयंभूरमणं घोसं सुघोसं महाघोस किद्विघोसं वीरं सुवीरं वीरगतं वीरसेणियं वीरावत्तं वीरप्पभं वीरकंतं वीरवणं वीरलेस वीरज्झयं वीरसिंग वीर सिट्ठ वीरकडं वीरुत्तरवडिंसगं विमाणं देवत्ताए उववण्णा तेसि णं देवाण उक्कोसेणं छ सागरोबमाई ठिई प० / ते णं देवा छण्हं अद्धमासाणं आणमंति वा पाणमंति वा ऊससंति वा णीसमति वा / तेसि णं देवाणं हिं वास. सहस्सेहिं आहारटे समुप्पज्जइ / संतेगइया भवसिद्धिया जीवा जे छहिं भवग्गहणेहिं सिज्झिस्संति जाव सम्वदुक्खाणमंतं करिरसंति // 6 / / सत्त भयट्ठाणा प० तं० इहलोगभए परलोगभए आदाणभए अकम्हाभए आजीवभए मरणभए असिलोगभए / सत्त समुग्घाया प० तं०-वेयणासमुग्घाए कसायसमुग्घाए मारणंतियसमुग्घाए वेउब्वियसमुग्धाए तेयसमुग्याए आहारसमुग्घाए केवलिसमुग्घाए / समणे भगवं महावीरे सत्त रयणीओ उड़ उच्चत्तणं होत्था / इहेव जंबुद्दीवे दीवे सत्त वासहरपब्धया प० त०-चुल्लहिमवंते महाहिमवंते णिसढे णीलवंते रुप्पी सिहरी मंदरे / इहेव जंबुद्दीवे दीवे सत्त वासा प०, तं.'-भर हे हेमवए हरिवासे महाविदेहे रम्मए एरण्णवए एरवए। खीणमोहेणं भगवया मोहणिज्जव जाओ सत्त कम्मपयडीओ वेएई। महाणक्खत्ते सत्ततारे प० / कत्तिआइया सत्त णवत्ता पुवदारिआ प. (अभियाइया सत्त णक्खत्ता) / महाइया सत्त णकावत्ता दाहिणदारिआ प० / अणुराहाइया सत्त णवत्ता अवरदारिआ प० / घणिट्ठाइया सत्त णक्खत्ता उत्तरदारिआ प० / इमीसे णं रयणप्पभाए पुढवीए अत्येगइयाणं णेरइयाणं सत्त पलिओवमाइं ठिई प० / तच्चाए णं पुढवीए णेरइयाणं उक्कोसेणं सत्त सागरोवमाई ठिई प० / चउत्थीए णं पुढवीए णेरइयाणं जहणेणं सत्त सागरोवमाइं ठिई प० / असुरकुमाराणं देवाणं अत्थेगइयाणं सत्त पलिओचमाई ठिई प० / सोहम्मीसाणेसु कप्पेसु अत्थेगइयाणं देवाणं सत्त पलिओवमाई टिई प० / सणंकुमारे कप्पे अत्थेगइयाणं देवाणं उक्कोसेणं सत्त-सागरो. वमाई ठिई प० / माहिदे कप्पे देवाणं उकोसेणं साइरेगाई सत्त सागरोवमाई ठिई प० / बंभलोए कप्पे अत्थेगइयाणं देवागं सत्त साहिया सागरोंवमाई ठिई प० / जे देवा समं समप्पभं महापभं पभासं भासुरं विमलं कंचणकूडं सणंकुमारवडिसगं