________________ समवाओ स०६ 347 णजल्लपारिट्ठावणियासमिई / पंच अत्थिकाया प० तं०-धम्मत्थिकाए अधम्मत्थिकाए आगासत्थिकाए जीवत्थिकाए पोग्गल त्थिकाए / रोहिणी णक्खत्ते पंचतारे प०। पुणवसुणकावत्ते पंचतारे प० / हत्थणक्खत्ते पंचतारे प० / विसाहाणक्खत्ते पंचतारे प० / धणिहाणखत्ते पंचतारे प० / इमीसे ण रयणप्पभाए पुढवीए अत्थेगइयाण णेरइयाणं पंच पलिओवमाई ठिई प० / तच्चाए णं पुढवीए अत्थेगइयाणं णेरइयाणं पंचसागरोवमाई ठिई प० / असुरकुमाराणं देवाणं अत्थेगइयाणं पंचपलिओवमाई ठिई प० / सोहम्मीसाणेसु कप्पेसु अत्येगइयाणं देवाणं पंचपलिओवमाई ठिई प० / सणंकुमारमाहिदेसु कप्पेसु अत्थेगइयाणं देवाणं पंच सागरोवमाई टिई प० / जे देवा वायं सुवायं वायावत्तं वायप्पभं वायकंतं वायवणं वायलेसं वायज्झयं वायसिंगं वायसिंह्र वायकूडं वाउत्तरवडिंसगं सूरं सुसूरं सूरावत्तं सूरप्पभं सूरकंतं सूरवणं सूर लेसं सूरज्झयं सूर सिंगं सूर सिटुं सूरकूडं सूरुत्तरवडिंसगं विमाणं देवत्ताए उववण्णा तेसि णं देवाणं उक्कोसेणं पंच सागरोवमाई ठिई प० / तेणं देवा पंचण्हं अद्धमासाणं आणमंति वा पाणमंति वा ऊससंति वा णीससंति वा / तेसिणं देवाणं पंचहिं वाससहस्से हिं आहारटे समुप्पज्जइ / संतेगइया भवसिद्धिया जीवा जे पंचहिं भवग्गहणेहिं सिज्झिसंति जाव अंतं करिस्संति // 5 // छ लेसाओ प०, तं०-कण्हलेसा णीललेसा काउलेसा तेउलेसा पम्हलेसा सुक्कलेसा / छ जीवणिकाया प०, तं०-पुढविकाए आउकाए तेउकाए वाउकाए वणस्सइकाए तसकाए / छबिहे बाहिरे तवोकम्मे प०, तं०-अणसणे ऊणोयरिया वित्तीसंखेवो रसपरिच्चाओ कायकिलेसो संलीणया। छविहे अभितरे तवोकम्मे प०, तं०-पायच्छित्तं विणओ वेयावच्चं सज्झाओ झाणं उस्सग्गो / छ छाउमत्थिया समुग्घाया प० तं०-वेयणासमुग्घाए कसायसमुग्घाए मारणंति यसमुग्घाए वेउव्वियसमुग्घाए तेयसमुग्घाए आहारसमुग्घाए / छविहे अत्युग्गहे पण्णत्ते, तं०-सोइंदियअत्थुग्गहे चक्खुइं दिय अत्थुग्गहे घाणिंदियअत्युग्गहे जिभिदियअत्युग्गहे फासिंदियअत्युग्गहे णोइंदियअत्थुग्गहे / कत्तियाणक्खत्ते छतारे प० / असिलेसाणक्खत्ते छतारे प० / इमीसे णं रयणप्पभाए पुढवीए अत्थेगइयाणं णेरइयाणं छ पलिओवमाई ठिई प० / तच्चाए णं पुढवीए अस्थेगइयाणं णेरइयाणं छ सागरोवमाई ठिई प० / असुरकुमाराणं देवाणं अत्थे. गइयाणं णेरइयाणे छ पलिओवमाई ठिई प० / सोहम्मीसाणेसु कप्पेसु अत्थेगइयाणं
