________________ ठाणं ठा. 10 339 तं. चंदे सूरए सुक्के य सिरिदेवी पभावई दीवसमुद्दोववत्ती बहूपुत्ती मंदरेइ य थेरे संभूयविजए थेरे पम्ह ऊसासणीसासे ||106 / / संखेवियदसाणं दस अज्झयणा प० त० खुड्डियाविमाणपविभत्ती महल्लियाविमाणपविभत्ती अंगचूलिया वग्गचूलिया विवाहचूलिया अरुणोववाए वरुणोववाए गरुलोववाए वेलंधरोववाए वेसमगोववाए // 107 // दस सागरोवमकोडाकोडीओ कालो उस्सप्पिणीए दस सागरोवमकोडाकोडीओ कालो ओसप्पिणीए // 108 / / दसविहा णेरइया प० तं०अणंतरोववण्णा परंपरोववण्णा अणंतरावगाढा परंपरावगाढा अणंतराहारगा परंपराहारगा अणंतरपज्जत्ता परंपरपज्जत्ता चरिमा अचरिमा एवं णिरंतरं जाव वेमाणियां / / 109 // चउत्थीए णं पंकप्पभाए पुढवीए दस णिरयावाससय. सहस्सा प० // 110 // रयणप्पभाए पुढवीए जहण्णेणं णेरइयाणं दसवाससहस्साई ठिई प०॥ 111 // चउत्थीए णं पंकप्पभाए पुढवीए उक्कोसेणं णेरइयाणं दस सागरोवमाइं ठिई प० // 112 // पंचमाए णं धूमप्पभाए पुढवीए जहण्णेणं णेर. इयाणं दस सागरोवमाई ठिई प० // 113 / / असुरकुमाराणं जहण्णेणं दसवाससहस्साई ठिई प० // 114 / / एवं जाव थणियकुमाराणं / बायरवणस्सइकाइयाणं उक्कोसेणं दसवाससहस्साई ठिई प० // 115 // वाणमंतराणं देवाणं जहण्णेणं दसवाससहस्साई ठिई प०॥११६ // बंभलोए कप्पे देवाणं उक्कोसेणं दस सागरोवमाइं ठिई प० // 117 / / लंतए कप्पे देवाणं जहण्णेणं दस सागरोवमाई ठिई प० // 118 // दसहि. ठाणेहिं जीवा आगमेसिभहत्ताए कम्मं पगरेंति तं०अणिदाणयाए, दिद्विसंपण्णयाए, जोगवाहियत्ताए, खंतिखमणयाए, जिइंदिययाए, अमाइल्लयाए, अपासत्थयाए, सुसामण्णयाए, पवयणवच्छल्लयाए, पवयणउब्भावणयाए // 119 // दसविहे आसंसप्पओगे प० तं०-इहलोगासंसप्पओगे, परलोगा. संसप्पओगे, दुहओलोगासंसप्पओगे, जीवियासंसप्पओगे, मरणासंसप्पओगे, कामासंसप्पओगे, भोगासंसप्पओगे, लाभासंसप्पओगे, पूयासंसप्पओगे, सक्कारासंसप्पओगे // 120 // दसविहे धम्मे प० तं-गामधम्मे, णगरधम्मे, रद्वधम्मे, पासंडधम्मे कुलधम्मे, गणधम्मे, संघधम्मे, सुयधम्मे, चरित्तधम्मे, अत्थिकायधम्मे // 121 / / दसथेरा प० तं० गामथेरा, णगरथेरा, रट्ठथेरा, पसत्थारथेरा, कुलथेरा, गणथेरा, संघथेरा, जाइथेरा, सुअथेरा, परियायथेरा / / 122 / / दसपुत्ता प० तं-अत्तए
