Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 353

340 अंग-पविटु सुत्ताणि खेत्तए दिण्णए विण्णए उरसे मोहरे सोंडीरे संवुढे उवयाइए धम्मंतेवासी // 123 / / केवलिस्स णं दस अणुत्तरा प० तं० अणुत्तरे णाणे अणुत्तरे दंसणे अणुत्तरे चरित्ते अणुत्तरे तवे अणुत्तरे वीरिए अणुत्तरा खंती अणुत्तरा मुत्ती अणुत्तरे अजवे अणुत्तरे महवे अणुत्तरे लाघवे / / 124 / / समयखेत्ते णं दस कुराओ प० तं०पंच देवकुराओ पंच उत्तरकुराओ तत्थ णं दस महइमहालया महादुमा प० तंजंबू सुदंसणे धायहरुक्खे महाधायहरुक्खे पउमरक्खे महापउमरुक्खे, पंच कृड. सामलीओ तत्थ णं दस देवा महिड्डिया जाव परिवति तं० अणाढिए जंबुद्दीवाहिवई सुदंसणे पियदंसणे पोंडरीए महापोंडरीए पंच गरुला वेणुदेवा / / 125 / / दसहिं ठाणेहिं ओगाढं दुस्समं जाणेज्जातं०-अकाले वरिसइ काले ण वरिसइ असाहू' पूइज्जति साहू ण पूइज्जति गुरुसु जणो मिच्छं पडिवण्णो अमणुण्णा सहा जाव फासा / / 126 / / दसहिं ठाणेहिं ओगाढं सुसमं जाणेजा तं०-अकाले ण वरिसइ तं चेव विवरीयं जाव मणुण्णा फासा // 127 // सुसमसुसमाए णं समाए दसविहा रुक्खा उवभोगत्ताए हव्वमागच्छंति तं० मत्तंगया य भिंगा तुडियंगा दीव जोइ चित्तंगा; चित्तरसा मणियंगा गेहागारा अणियणा य // 128 // जंबूहीवे 2 भारहे वासे तीयाए उस्सप्पिणीए दस कुलगरा हुत्या तं०–सयज्जले सयाऊ य अणंतसेणे य अमियसेणे य तकसेणे भीमसेणे महाभीमसेणे य सत्तमे (1) दढरहे दसरहे सयरहे // 129 // जंबुद्दीवे 2 भारहे वासे आगमीसाए उस्सप्पिणीए दस कुलगरा भविस्संति तं०-सीमंकरे सीमंधरे खेमंकरे खेमंधरे विमलवाहणे संमुई पडिसुए दढधणू दसधणू सयधणू / / 130 / / जंबुद्दीवे दीवे मंदरस्स पवयस्स पुरत्थिमेणं सीयाए महाणईए उभओ कूले दस वक्खारपचया पतं०मालवंते चित्तकूडे विचित्तकूडे बंभकडे जाव सोमणसे / / 131 / / जंबूमंदरपच्च. त्थिमे णं सीओयाए महाणईए उभओ कूले दस वखारपव्वया प० तं०-विज्जु. प्पभे जाव गंधमायणे / एवं धायइसंडपुरथिमद्धेवि वक्खारा भाणियव्वा जाव पुक्खरवरदीवद्धपच्चत्थिमद्धे // 132 // दसकप्पा इंदाहिट्ठिया प० तं. सोहम्मे जाव सहस्सारे पाणए अच्चुए / एएसु णं दससु कप्पेसु दस इंदा प० तं०-सक्के ईसाणे जाव अच्चुए / एएसु णं दसण्हं इंदाणं दस परिजाणियविमाणा प० तं०पालए पुप्फए जाव विमलवरे सव्वओभद्दे / / 133 / / दस दसमिया णं भिक्खुपडिमा णं एगेण राइं दियसएणं अद्धटेहिं य भिक्खासए हिं अहासुत्तं जाव आराहियावि