________________ ठाणं. ठा. 10 वेढियं सुमिणे पासित्ता णं पडिबुद्धे 9 एगं च णं महं मंदरे पव्वए मंदरचूलियाओ उवरिं सीहासणवरंगयमत्ताणं सुमिणे पासित्ता णं पडिबुद्धे 10 / जण्णं समणे भगवं महावीरे एगं महं घोररूवदित्तधरं तालपिसायं सुमिणे पराजियं पासित्ता णं पडि. बुद्धे तण्णं समणेणं भगवया महावीरेणं मोहणिजे कम्मे मूलाओ उग्घाइए 1 जण्णं समणे भगवं महावीरे एगं महं सुकिलपक्खगं जाव पडिबुद्धे तं णं समणे भगवं महावीरे सुक्कज्झाणोवगए विहरइ 2 जण समणे भगवं महावीरे ए गं महं चित्तविचित्तपक्खगं जाव पडिबुद्धे तं गं समणे भगवं महावीरे ससमयपरसमइयं चित्तविचित्तं दुवालसंगं गणिपिडगं आघवेइ पण्णवेइ परूवेइ दंसेइ जिंदसेइ उवदंसेइ तं आयारं जाव दिठिवायं 3 जणं समणे भगवं महावीरे एगं महं दामदुगं सव्वरयणा जाव पडिबुद्धे तं णं समणे भगवं महावीरे दुविहं धम्मं पण्णवेइ, तंअगारधम्मं च अणगारधम्मं च 4 जणं समणे भगवं महावीरे ए गं महं सेयं गोवग्गं सुमिणे जाव पडिबुद्धे त ण समणस्स भगवओ महावीरस्स चाउव्वण्णाइण्णे संघे तं०-समणा समणीओ सावगा सावियाओ 5 जणं समणे भगवं महावीरे एगं महं पउमसरं जाव पडिबुद्धे तं णं समणे भगवं महावीरे चउविहे देवे पण्ण. वेइ, तं०-भवणवासी वाणमंतरा जोइसवासी वेमाणवासी 6 जण्णं समणे भगवं महावीरे एगं महं उम्मीवीची जाव पडिबुद्धे तं णं समणेणं भगवया महावीरेणं अणाईए अणवदग्गे दीहमद्धे चाउरंतसंसारकंतारे तिण्णे 7 जणं समणे भगवं महावीरे एगं महं दियरं जाव पडिबुद्धे तं णं समणस्स भगवओ महावीरस्स अणंते अणुत्तरे जाव समुप्पण्णे 8 जण्णं समणे भगवं महावीरे एगं महं हरिवेरुलिय जाव पडिबुद्धे तं गं समणस्स भगवओ महावीरस्स सदेवमणुयासुरे लोगे उराला कित्तिवण्णसहसिलोगा परिगुव्वंति इइ खलु समणे भगवं महावीरे इइ० 9 नण्णं समणे भगवं महावीरे मंदरे पव्वए मंदरचूलियाए उवरिं जाव पडिबुद्धे तं णं समणे भगवं महावीरे सदेवमणुयासुराए परिसाए मझगए केवलिपण्णत्तं धम्म आघवेइ पण्णवेइ जाव उवदंसेइ 10 // 92 // दसविहे सरागसम्मइंसणे प० तं०णिसग्गुवए सरुई आणरुई सुत्तबीयरुइमेव, अभिगम वित्थाररुई किरिया संखेव धम्मरुई / / 93 // दससण्णाओ प० तं०-आहारसण्णा भयसण्णा मेहुणसण्णा परिग्गहसण्णा कोहसण्णा माणसण्णा मायासण्णा लोहसण्णा लोगसण्णा ओहसण्णा
