________________ 336 अंग-पविटु सुत्ताणि भावो य अविरई // 82 / / दसविहे दोसे प० तं०-तज्ज्ञायदोसे मइभंगदोसे पसत्थारदोसे परिहरणदोसे, सलक्खण कारण हेउदोसे संकामणं णिग्गह वत्युदोसे / / 83 / / दस विहे विसेसे प० तं-वत्थु तज्जायदोसे य दोसे एगहिएइ य, कारणे य पडुप्पण्णे दोसे णिचे हि अट्ठमे; अत्तणा उवणीए य विसेसेइ य ते दस... // 84 // दसविहे सुद्धावायाणुओगे प० तं०-चंकारे मंकारे पिंकारे सेयंकारे सायंकारे एगत्ते पुहुत्ते संजूहे संकामिए भिण्णे / / 85 / / दसविहे दाणे प० तं० अणुकंपा संगहे चेव भये कालुणिएइ य; लज्जाए गारवेणं च, अहम्मे पुण सत्तमे / धम्मे य अट्ठमे वुत्ते काहीइ य कयंति य // 86 // दसविहा गई प० तं०-णिरयगई, णिरयविग्गहगई, तिरियगई, तिरियविग्गहगई, एवं जाव सिद्धिगई, सिद्धि विग्गहगई / / 87 // दसमुंडा प० तं०-सोइंदियमुंडे जावं फासिं दियमुंडे, कोहमुंडे जाव लोभमुंडे दसमे सिरमुंडे / / 88 // दसविहे संखाणे प० तं०-परिकम्म ववहारो रज्जु रासी कलासवण्णे य, जावंतावइ वग्गो घणो य तह वग्गवग्गो वि, कप्पो य / / 89 / / दसविहे पच्चक्खाणे प० तं०-अणागयमइकंतं कोडीसहियं णियंटियं चेव, सागारमणागारं, परिमाणकडं, गिरवसेसं, संकेयं चेव अद्धाए, पच्चक्खाणं दसविहं तु // 9 // दसविहा सामायारी प० तं०-इच्छा मिच्छा तहक्कारो आवस्सिया णिसीहिया, आपुच्छणा य पडि पुच्छा छंदणा य णिमंतणा, उवसंपया य काले सामायारी भवे दसविहा उ / / 91 / / समणे भगवं महावीरे छउमत्थकालियाए अंतिमराइयंसि इमे दस महासुमिणे पासित्ता णं पडिबुद्धे तं०एगं च णं महाघोररूवदित्तधरं ताल पिसायं सुमिणे पराजियं पासित्ता णं पडिबुद्धे 1 एगं च णं महं सुकिलपक्वगं पुंसकोइलगं सुमिणे पासित्ता णं पडिबुद्धे 2 एगं च णं महं चित्तवि चित्तपक्खगं पुंसकोइलगं सुमिणे पासित्ता णं पडिबुद्धे 3 एगं च णं महं दामदुगं सब्बरयणामयं सुमिणे पासित्ता णं पडिबुद्धे 4 एगं च णं महं सेयं गोवग्गं सुमिणे पासित्ता णं पडिबुद्धे 5 एगं च णं महं पउमसरं सव्वओ समंता कुसुमियं सुमिणे पासित्ता णं पडिबुद्धे 6 एगं च णं महासागरं उम्मी. वीचीसहस्तकलियं भुयाहिं तिण्णं सुमिणे पासित्ता णं पडिबुद्ध 7 एगं च णं महं दिणयरं तेयसा जलंतं सुमिणे पासित्ता णं पडिबुद्धे 8 एगं. च णं महं हरिवेरुलियवण्णाभेणं णियएणमंतेणं माणुसुत्तरं पव्वयं सव्वओ समंता आवेढियं परि
