________________ 326 अंग-पविट्ट सुत्ताणि हिई तं रयणि च णं सयदुवारे णयरे सब्भितरबाहिरए भारग्गसो य कुंभग्गसो य पउमवासे य रयणवासे य वासे वासिहिइ तए णं तस्स दारयस्स अम्मा पियरो एक्कारसमे दिवसे वीइकंते जाव बारसाहे दिवसे अयमेयारूवं गोषणं गुणणि फण्णं जामधिकं काहिंति जम्हा णं अम्हं इमंसि दारगंसि जायंसि समाणंसि सयदुवारे गयरे सभितरबाहिरए भारग्गसो य कुंभग्गसो य परमवासे य रयणवासे य वासे बुढे तं होउ णं अम्हं इमस्स दारगस्स णामधिज्ज महापउमे तए णं तस्स दारगस्स अम्मापियरोणामधिज्ज काहिंति महापउमेत्ति / तए णं महापरमं दारगं अम्मापियरो साइरेगं अहवासजायगं जाणित्ता महया रायाभिसेए णं अभिसिंचिहिंति से णं तत्थ राया भविस्सइ महया हिमवंतमहंतमलयमंदररायवण्णओ जाव रज पसाहेमाणे विहरिस्सइ तए णं तस्स महापउमस्स रण्णो अण्णया कृयाइ दो देवा महिड्डिया जाव महेसखा सेणाकम्मं काहिंति तं. पुण्णभद्दए माणिभदए तए णं मयदुवार णयरे बहवे राईसरतलवरमाडंबियकोडुबियइब्भसे डिसेणावइसत्यवाहप्पभिइयो अण्णमण्णं सहावेहिंति एवं वइस्सति जम्हा णं देवाणुप्पिया! अम्हं महापउमस्स रणो दो देवा महिदिया जाव महेसखा सेणाकम्मं करेंति तं. पुण्णभद्दे य मणिभद्दे य तं होउ णं अम्हं देवाणुप्पिया! महापउमस्स रण्णो दोचेवि णामधेजे देवसेणे, तए णं तस्स महापउमस्स दोचेवि णामधेजे भविस्सइ देवसेणेइ 2 / तए णं तस्स देवसेणस्स रणो अण्णया कयाई सेयसंखतलविमलसण्णिकासे चउदंते हत्थिर यणे समुप्पन्निहिइ तए णं से देवसेणे राया तं सेयंसंवतलविमलसण्णिकासं चउदंतं हत्थिरयणं दुरूढे समाणे सयदुवारं णयरं मझमज्झेणं अभिक्खणं 2 अइ जाहि य णिज्जा हि य, तए णं सयदुवारे णयरे बहवे राईसरतलवर जाव अण्णमणं सद्दावेहिंति 2 एवं वइस्संति जम्हा णं देवाणुप्पिया ! अम्हं देवसेणस्स रणो सेयसंखतलविमलसण्णिकासे चउदंते हत्थिरयणे समुप्पण्णे तं होउ णं अम्हं देवा. णुप्पिया ! देवसेणस्स रण्णो तच्चेवि णामधेज्जे विमलवाहणे, तए णं तस्स देवसेणस्स रणो तचेवि णामवेज्जे भविस्सइ विमलवाहणे 2 / तए णं से विमलवाहणे राया तीसं वासाई अगारवासमझे वसित्ता अम्मापिईहिं देवत्तगएहिं गुरुमहत्तरए हिं अब्भ. गुण्णाए समाणे उमि सरए संबुद्धे अणुत्तरे मोक्ग्वमग्गे पुणरवि लोगंतिए हिं नीयकप्पिएहिं देवेहिं ताहिं इट्टाहिं कंताहिँ पियाहिं मणुण्ण हिं मणामाहिं उरालाहिं कल्लाणाहिं धण्णाहिं सिवाहिं मंगल्लाहिं सरिसरीआहिं वग्गृहिं अभिणंदिज्जमाणे
