________________ ठाणं. ठा. 9 325 मंगलावइंमि दीहवेयड्ढे / / 47 / / जंबू. विज्जुप्पमे वक्खारपबए णव कुडा प० तं०-सिद्धे अ विज्जुणामे देवकुरा पम्ह कणग सोवत्थी, सीओयाए सजले हरिकूडे चेव बोद्धव्वे / / 48 // जंबू० पम्हे दीहवेयड्ढे णव कूडा प० तं०-सिद्ध पम्हे खंडग माणी वेयड एवं चेव जाव सलिलावइंमि दीहवेयड्ढे एवं वप्पे दीहवेयड्ढे एवं जाव गंधिलावइंमि दीहवेयड्ढे णव कूडा प० तं० सिद्धे गंधिल खंडग माणी वेयड पुण्ण तिमिसगुहा; गंधिलावइ वेसमण कूडाणं होंति णामाई (1) एवं सब्वेसु दीहवेयड्ढेसु दो कूडा सरिसणामगा सेसा ते चेत्र // 49 / / जंबूमंदरउत्तरेणं णीलवंते वासहरपव्वए णव कूडा प० तं० सिद्धे णीलवंत विदेहे सीया कित्ती य णारिकता य, अवर विदेहे रम्मगकूडे उवदंसणे चेव / / 50 // जंबूमंदर उत्तरेणं एरवए दीहवेयड्ढे णव कृडा प० तं० सिद्धे रयणे खंडग माणी वेयड्ड पुण्ण तिमिसगुहा, एरवए वेसमणे एरवए कूडणामाई / / 51 // पासे णं अरहा पुरिसादाणिए वज्जरिसहणारायसंघयणे समचउरंससंठाणसंठिए णव रयणीओ उर्दू उच्चत्तणं हुत्था // 52 // समणस्स णं भगवओ महावीरस्म तित्थं सि णवहिं जीवेहिं तित्थयरणामगोत्ते कम्मे णिवत्तिए तं० सेणिएणं सुपासेणं उदाइणा पोट्टिलेणं अणगारेणं दढाउणा संखेणं सयएणं सुलसाए सावियाए रेवईए / / 53 // एस णं अज्जो ! कण्हे वासुदेवे, रामे बलदेवे, उदए पेढालपुत्ते, पुट्टिले, सयए गाहावई, दारुए णियंठे, सच्चई णियंठीपुत्ते, सावियबुद्धे अंबडे परिवायए, अन्जाविणं सुपासा पासावच्चिज्जा, आगमेस्साए उस्सप्पिणीए चाउन्जामं धम्मं पण्णवइत्ता सिज्झिहिं ति जाव अंतं काहिंति / / 54 // एस णं अजो ! सेणिए राया भिंभिसारे कालमासे कालं किच्चा इमीसे रयणप्पभाए पुढवीए सीमंतए णरए चउरासीइवाससहस्सटिईयं सि गिरयंसि गेरइयत्ताए उववजिहिइ से णं तत्थ णेरइए भविस्सइ काले कालोभासे जाव परमकिण्हे वण्णणं से णं तत्थ वेयणं वेदि हिई उज्जलं जाव दुरहियासं से णं तओ णरयाओ उव्वदेत्ता आगमेस्साए उस्सप्पिणीए इहेव जंबुद्दीवे दीवे भारहे वासे वेयड्डगिरिपायमूले पुंडेसु जणवए सु सयदुवारे णयरे संमुइस्स कुलकरस्स भद्दाए भारियाए कुच्छिसि पुमत्ताए पचाया हिइ तए णं सा भद्दा भारिया णवण्हं मासाणं बहुपडि पुण्णाणं अद्धट्ठमाण य राइं दियाणं वीइकंताणं सुकुमालपागिपायं अहीणपडि पुण्णपंचिंदिय सरीरं लक्षणवंजण० जाव सुरूवं दारगं पयाहिई जं रयणिं च णं से दारए पया
