________________ ठाणं ठा. 9 327 अभिथुवमाणे य बहिया सुभूमिभागे उजाणे एगं देवदूसमादाय मुंडे भवित्ता भगाराओ अणगारियं पव्वया हिइ तस्स णं भगवंतस्स साइरेगाई दुवालस वासाई णिचं वोसढकाए चियत्तदेहे जे केई उवसग्गा उप्पजति तं० दिव्वा वा माणुसा वा तिरिक्खजोणिया वा ते उप्पण्णे सम्म सहिस्सइ खमिस्सइ तितिक्खिस्सइ अहियासिस्सइ तए णं से भगवं इरियासमिए भासासमिए जाव गुत्तबंभयारी अममे अकिंचणे छिण्णगंथे णिरुवलेवे कंसपाईव मुक्कतोए जहा भावणाए जाव सुहुयहुयासणेइव तेयसा जलते, कसे संखे जीवे गगणे वाए य सारए सलिले, पुक्खरपत्ते कुम्मे विहगे खग्गे य भारंडे (1) कुंजर वसहे सीहे णगराया चेव सागरमक्खोमे चंदे सूरे कणगे वसुंधरा चेव सहुयहुए (2) णत्थि णं तस्स भगवंतस्स कत्थइ पडिबंधे भवइ, से य पडिबंधे चउविहे प० तं०-अंडए वा पोयएइ वा उग्गहेइ वा पग्गहिएइ वा जं णं जं णं दिसं इच्छइ तं णं तं णं दिसं अपडिबद्धे सुइभूए लहुभूए अणप्पगंथे संजमेणं अप्पाणं भावेमाणे विहरिस्सइ, तस्स णं भगवंतस्स अणुत्तरेणं णाणेणं अणुत्तरेणं दंसणेणं अणुत्तरेणं चरित्तेणं एवं आलएणं विहारेणं अजवे महवे लाघवे खंती मुत्ती गुत्ती सच्च संजम तवगुणसुचरियसोवचियफलपरिणिव्याणमग्गेणं अप्पाणं भावेमाणस्स झाणंतरियाए वट्टमाणस्स अणंते अणुत्तरे णिव्याघाए जाव केवलवरणाणदंसणे समुप्पजिहिइ / तए णं से भगवं अरहा जिणे भविस्सइ केवली सव्यण्णू सव्वदरिसी सदेवमणुयासुरस्स लोगस्स परियागं जाणइ पासइ सव्वलोए सव्वजीवाणं आगई गई ठिई चयणं उववायं तकं मणोमाणसियं भुत्तं कडं परिसेवियं आवीकम्मं रहोकम्मं अरहा अरहस्स भागी तं तं कालं मणसवयसकाइए जोगे वट्टमाणाणं सवलोए सवजीवाणं सव्वभावे जाणमाणे पासमाणे विहरइ / तए णं से भगवं तेणं अणुत्तरेणं केवलवरणाणदंसणेणं सदेवमणुयासुरलोगं अभिसमिच्चा समणाणं णिग्गंथाणं पंच महब्धयाई सभावणाई छच्च जीवणिकायधम्म देसेमाणे विहरिस्सइ से जहाणामए अन्जो ! मए समणाणं णिग्गंथाणं एगे आरंभ. ठाणे पण्णत्ते एवामेव महापउमेवि अरहा समणाणं णिग्गंथाणं एगं आरंभट्ठाणं पण्णवेहिइ, से जहाणामए अजो ! मए समणाणं णिग्गंथाणं दुविहे बंधणे प० तं० पेज्जबंधाणे, दोसबंधणे, एवामेव महापउमेवि अरहा समणाणं णिग्गंथाणं दुविह बंधणं पण्णवेहिइ तं० पेजबंधणं च दोसबंधणं च / से जहाणामए अज्जो ! मए
