________________ 323 ठाणं ठा. 9 धण्णस्स य बीयाणे उप्पत्ती पंडुए भणिया ( 3 ) सव्वा आभरणविही पुरिसाणं जा य होइ महिलाणं, आसाण य हत्थीण य पिंगलगणिहिम्मि सा भणिया (4) रयणाई सम्वरयणे चोद्दस पवराई चक्कवट्टिस्स, उप्पजति एगिंदियाई पंचिंदि. याइं च (5) वत्थाण य उप्पत्ती णिप्पत्ती चेव सबभत्तीणं, रंगाण य धोयाण य सव्वा एसा महापउमे (6) काले कालण्णाणं भव्वपुराणं च तीसु वासेसु; सिप्पसयं कम्माणि य, तिण्णि पयाए हियकराई (7) लोहस्स य उप्पत्ती होइ महाकाले भागराणं च, रुप्पस्स सुवण्णस्स य मणिमोत्तिसिलप्पवालाणं (8) जोधाण य उप्पत्ती आवरणाणं च, पहरणाणं च, सव्वा य जुद्धणीई, माणवए दंडणीई य (9) णट्टविही णाडगविही, कव्वस्स चउव्विहस्स उप्पत्ती, संखे महाणिहिम्मी, तुडियंगाणं च सव्वेसि (10) चक्कटपइट्ठाणा अठुस्सेहा य णव य विक्खंभे, बारसदीहा मंजूससंठिया, जहवीइ मुहे (11) वेरुलियमणिकवाडा कणगमया विविहरयणपडिपुण्णा, ससिसूरचक्कलक्खण अणुसमजुगबाहुवयणा य (12) पलि. ओवमट्टिईया णिहिसरिणामा य तेसु खलु देवा; जेसिं ते आवासा अक्किन्ना आहिबच्चा वा, (13) एए ते णवणिहओ पभूयधणरयणसंचयसमिद्धा जे वसमुवगच्छंती सम्वेसिं चक्कवट्टीणं" (14) / / 21 // णव विगईओ प० तं. खीरं दहिं णवणीयं सप्पि तेलं गुलो महुं मज मंसं // 22 // णवसोयपरिस्सावा बोंदी प० त० दो सोत्ता दो णेत्ता दो.घाणा मुहं पोसे पाऊ // 23 / / णवविहे पुण्णे प० तं० अण्णपुण्णे पाणपुणे वत्थपुण्णे लेणपुण्णे सयणपुण्णे मणपुण्णे वइ पुण्णे कायपुण्णे णमोक्कारपुण्णे // 24 / / णव पावस्सायंतणा प० तं० पाणाइवाए मुसावाए जाव परिग्गहे कोहे माणे माया लोहे ॥२५॥णवविहे पावस्सुयपसंगे प० तं० उप्पाए णिमित्त मंते आइक्विए तिगिच्छए, कला आवरणे अण्णाणे मिच्छापावयणेति य // 26 / / णव णेउणिया वत्यू प० त० संखाणे णिमित्ते काइए पोराणे पारिहथिए परपंडिए वाइए भूइकम्मे तिगिच्छए // 27 / / समणस्स णं भगवओ महावीरस्स णव गणा हुत्था तं. गोदासगणे उत्तरबलिस्सहगणे उद्देहगणे चारणगणे उद्दवाइयगणे विस्सवाइयगणे कामवियगणे माणवगणे कोडियगणे // 28 // समणेणं भगवया महा. वीरेणं समणाणं णिग्गंथाणं णवकोडिपरिसुद्धे भिक्खे प० तं० ण हणइ ण हणावइ हणतं णाणुजाणइ ण पयइ ण पयावेइ पयंतं णाणुजाणइ ण किणइ ण किणावेइ किणतं णाणुजाणइ // 29 // ईसाणस्स णं देविंदस्स देवरण्णो वरुणस्स महारणो णव भग्गमहिसीओ प० // 30 // ईसाणस्स णं देविंदस्स देवरणो अग्गमहिसीणं णवपलि
