________________ ठाणं. ठा.८ 315 पणगसुहुमे बीयसुहुमे हरियसुहुमे पुप्फसुहुमे अंडसुहुमे लेणसुहुमे सिणेहसुहुमे / / 28 / / भरहस्स णं रण्णो चाउरंतचक्कवट्टिस्स अट्ठपुरिसजुगाइं अणुबद्धं सिद्धाइं नाव सव्वदुक्खप्पहीणाई तं० आइच्चजसे महाजसे अइबले महाबले तेयवीरिए कित्तवीरिए दंडवीरिए जलवीरिए / / 29 // पासस्स णं अरहओ पुरिसादाणियस्स अट्ट गणा अट्ठ गणहरा होत्था तं० सुभे अजघोसे व सिटे बंभयारी सोमे सिरिधरे वीरिए भद्दजसे // 30 // अट्ठविहे दंसणे प० त० सम्मइंसणे मिच्छसणे सम्मामिच्छदंसणे चक्खुदंसणे जाव केवलदंसणे सुविणदंसणे // 31 // अट्टविहे अद्धोवमिए प० तं० पलिओवमे सागरोवमे उस्सप्पिणी ओसप्पिणी पोग्गलपरियट्टे तीतद्धा अणागयद्धा सव्वद्धा / 32 / / अरहओ णं अरिट्ठणेमिस्स जाव अट्ठमाओ पुरिसजुगाओ जुगंतकरभूमी दुवासपरियाए अंतमकासी / / 33 / / समणेणं भगवया महावीरेणं अट्ठ रायाणो मुंडे भवेत्ता अगाराओ अणगारियं पध्वाविया तं० वीरंगय वीरजसे संजय एणिज्जए य रायरिसी, सेय सिवे उदायणे (तह संखे कासिवद्धणे) / / 34 // अट्ठविहे आहारे प० त० मगुण्णे असणे पाणे खाइमे साइमे अमणुण्णे जाव साइमे // 35 // उप्पिं सणंकुमारमाहिंदाणं कप्पाणं हेडिं बंभलोए कप्पे रिट्ठविमाणपत्थडे एत्थ णमक्खाडगसमचउरंससंठाणसंठियाओ अट्ठ कण्हराईओ प० तं० पुरत्थिमेणं दो कण्हाईओ दाहिणेणं दो कण्हराईओ पञ्चत्थिमेणं दो कण्हराईओ उत्तरेणं दो कण्हराईओ। पुरत्थिमा अभंतरा कण्हराई दाहिणं बाहिरं कण्हराई पुट्ठा, दाहिणा अब्भतरा कण्हराई पचत्थिमगं बाहिरं कण्हराई पुट्ठा, पञ्चत्थिमा अभंतरा कण्हराई उत्तरं बाहिरं कण्हराई पुट्ठा, उत्तरा अभंतरा कण्हराई पुरथिमं बाहिरं कण्हराई पुट्ठा, पुरथिमपञ्चत्थिमिल्लाओ बाहिराओ दो कण्हराईओ छलंसाओ उत्तरदाहिणाओ बाहिराओ दो कण्हराईओ तंसाओ सव्वाओ वि णं अब्भतरकण्हराईओ चउरंसाओ / एयासि णं अट्ठण्हं कण्हराईणं अट्ठ णामधेज्जा प० तं० कण्हराईइ वा मेहराईइ वा मघाइ वा माघवईइ वा वायफलिहेइ वा वायपलिक्खोभेइ वा देवपलिहे वा देवपलिक्खोभेइ वा / एयासि णं अट्ठण्हं कण्हराईणं अट्ठसु उवासंतरेसु अट्ठलोगंतियविमाणा प० तं० अच्ची अचिमाली वइरोअणे पभंकरे चंदाभे सूराभे सुपइट्ठाभे अग्गिच्चाभे / एएसु गं अट्ठसु लोगंतियविमाणेसु अट्ठविहा लोगंतिया देवा प० तं० सारस्सयमाइच्चा
