________________ 304 अंग-पविट्ठ सुत्ताणि भवंति कइणो पण्णा जे अण्णे सत्थपारगा (10) मज्झिमसरसंपण्णा भवंति सुह. जीविणो, खायई पीयई देई, मज्झिमं सरमस्सिओ (11) पंचमसरसंपण्णा. भवंति पुढवीपई, सूरा संगह कत्तारो अणेगगणणायगा (12) घेवयसरसंपण्णा भवंति कलहप्पिया; साउणिया वग्गुरिया सोयरिया मच्छबंधा य (13) चंडाला मुढ़िया सेया, जे अण्णे पावकम्मिगो; गोघातगा य जे चोरा, णिसायं सरमस्सिता (14) एए सि णं सत्तण्हं सराणं तओ गामा प० तं० सज्जगामे मज्झिमगामे गंधारगामे / सज्जगामस्स णं सत्त मुच्छणाओ प० तं० मंगी कोरवीया हरीय रयणी य सारकंता य, ष्टी य सारसी णाम सुद्धसज्जा य सत्तमा (15) मज्झिमगामस्स णं सत्तमुच्छणाओ प० तं० उत्तरमंदा रयणी उत्तरा उत्तरासमा; आसोकंता य सोवीरा, अभिरू हवइ सत्तमा (16) गंधारगामस्स णं सत्त मुच्छणाओ प० तं० णंदी य खुद्दिमा पूरिमा य चउत्थी य सुद्धगंधारा, उत्तरगंधारा वि य पंचमिया हवइ मुच्छा उ (17) सुठुत्तरमायामा सा छट्ठी णियमसो उ णायव्वा अह उत्तरायया कोडी. मायसा सत्तमी मुच्छा (18) सत्त सराओ को संभवंति गेयस्स का भवइ जोणी ? कइ समया उस्सासा कइ वा गेयस्स आगारा ? (19) सत्त सरा णाभीओ भवंति, गीयं च रुयजोणीयं; पायसमा ऊसासा तिण्णि य गेयस्स आगारा (20) आइमिउ आरभंता समुव्वहंता य मज्झगारंमि; अवसाणे तजवितो तिणि य गेयस्स आगारा (21) छहोसे अट्ठगुणे तिण्णि य वित्ताइं दो य भणिईओ जाणाहिइ सो गाहिइ सुसिक्खिओ रंगमज्झम्मि (22) भीतं दुतं रहस्सं गायंतो मा य गाहि उत्तालं, काकस्सरमणुणासं च होति गेयस्स छद्दोसा (23) पुण्णं रत्तं च अलंकियं च वत्त तहा अविघुटुं; महुरं सम सुकुमारं अट्ठ गुणा होति गेयस्स (24) उरकंठसिरपसत्थं च गेजते मउरिभिअपदबद्ध; समतालपडुक्खेवं सत्तसरसीहरं गीयं (25) णिहोस सारवंतं च हे उजुत्तमलंकियं, उवणीयं सोवयारं च मियं महुरमेव य (26) सममद्धसमं चैव सम्वत्थ विसमं च जं, तिणि वित्तप्पयाराई चउत्थं णोवलब्भइ (27) सक्कया पागया चेव दुहा भणिईओ आहिया: सरमंडलम्मि गिज्जते पसत्था इसिभासिया (28) केसी गायइ महुरं केसी गायइ खरं च रुक्खं च, केसी गायइ चउरं केसि विलंब दुतं केसी ? (29) विस्सरं पुण केरिसी ? सामा गायइ महुरं काली गायइ खरं च रुक्खं च गोरी गायइ चउर, काण क्लिंबं दुयं अंधा (30) विस्सरं पुण पिंगला / तंतिसमं तालसमं पादसमं लयसमं गहसमं च, णीससिऊससि
