________________ ठाणं ठा. 7 303 गंधे आसाएत्ता भवइ पूयासक्कारमणुवूहेत्ता भवइ इमं सावजंति पण्णवेत्ता पडिसेवेत्ता भवइ णो जहीवाई तहाकारी यावि भवइ // 16 // सत्तहिं ठाणेहिं केवली जाणेजा तं० णो पाणे अइवाएत्ता भवइ जाव जहावाई तहाकारी यावि भवइ // 17 // सत्त मूलगोत्ता प० तं० कासवा गोयमा वच्छा कोच्छा को सिया मंडवा वासिट्ठा / जे कासवा ते सत्तविहा प० तं. ते कासवा ते संडेल्ला ते गोल्ला ते वाला ते मुंजइणो ते पव्वपेच्छइणो ते वरिसकण्हा / जे गोयमा ते सत्त विहा प० त० ते गोयमा ते गग्गा ते भारदा ते अंगिरसा ते सक्कराभा ते भक्खराभा ते उदगत्ताभा। जे वच्छा ते सत्त विहा प० त० ते वच्छा ते अग्गेया ते मित्तिया ते सामिलिणो ते सेलयया ते अद्विसेणा ते वीयकम्हा, जे कोच्छा ते सत्तविहा प० तं. ते कोच्छा ते मोग्गलायणा ते पिंगलायणा ते कोडीणा ते मंडलिणो ते हारिता ते सोमया। जे कोसिआ ते सत्त विहा प० त० ते कोसिआ ते कच्चायणा ते सालंकायणा ते गोलि. कायणा ते पक्खिकायणा ते अग्गिच्चा ते लोहिया / जे मंडवा ते सत्तविहा प० तं० ते मंडवा ते अरिहा ते समुया ते तेला ते एलावच्चा ते कंडिल्ला ते खारायणा। जे वासिहा ते सत्तविहा प० तं ते वासिहा ते उजायणा ते जारेकण्हा ते वग्घावच्चा ते कोडिण्णा ते सण्णी ते पारासरा / / 18 / / सत्त मूलणया प०तं. णेगमे संगहे ववहारे उज्जुसुए सद्दे समभिरूढे एवंभूए / / 19 / / सत्त सरा प० तं० सज्जे रिसभे गंधारे मज्झिमे पंचमे सरे, धेवते चेव णिसादे सरा सत्त वियाहिया (1) एएसि णं सत्तण्हं सराणं सत्त सरट्ठाणा प० त० सज्जं तु अग्गजिब्भाए उरेण रिसभं सरं, कण्ठुग्गएण गंधारं मज्झजिब्भाए मज्झिम (2) णासाए. पंचमं बूया दंतोटेण य धेवयं, मुद्धाणेण य णेसायं सरठाणा विया हिया (3) सत्त सरा जीवणिस्सिया प० तं० सज्ज रवइ मयूरो कुक्कुडो रिसह सरं, हंसो णदइ गंधारं मज्झिमं तु गवेलगा (4) अह कुसुमसंभवे काले कोइला पंचमं सरं, छटुं च सारसा कोंचा णिसायं सत्तम गया (5) सत्तसरा अजीवणिस्सिया प० तं० सज्ज रवइ मुइंगो गोमुही रिसभं सरं, संखो णदइ गंधारं मज्झिमं पुण झल्लरी (6) चउचलणपइट्ठाणा गोहिया पंचमं सरं, आडंबरो रेवइयं महामेरी य सत्तमं (7) एएसि णं सत्त सराणं सत्त सरलक्खणा प० त० सजण लभइ वित्तिं कयं च ण विणस्सइ, गावो मित्ता य पुत्ता य पारीणं चेव वल्लभो (8) रिसभेण उ एसज्जं, सेणावच्चं धणाणि य; वत्थगंधमलंकारं इत्थीओ सयणाणि य (9) गंधारे गीयजुत्तिण्णा वज्जवित्ती कलाहिया,
