________________ ठाणं ठा. 7 301 विभंगणाणे / अहावरे चउत्थे विभंगणाणे जया णं तहारूवस्स समणस्स वा माहणस्स वा जाव समुप्पज्जइ से णं तेणं विभंगणाणेणं समुप्पण्णेणं देवामेव पासइ बाहिरब्भतरए पोग्गले परियाइत्ता पुढेगत्तं णाणत्तं फुसिया फुरित्ता फुट्टित्ता विकुवित्ता णं विकुन्वित्ता णं चिद्वित्तए तस्स णमेवं भवइ अत्थि णं मम अइसेसे णाणदंसणसमुप्पण्णे मुदग्गे जीवे संतेगइया समणा वा माहणा वा एवमाहेसु अमुदग्गे जीवे, जे ते एवमासु मिच्छं ते एवमाहंसु चउत्थे विभंगणाणे / अहावरे पंचमे विभंगणाणे जया गं तहारूवस्स समणस्स जाव समुप्पजइ, से णं तेणं बिभंगणाणेणं समुप्पण्णेणं देवामेव पासइ बाहिरभंतरए पोग्गलए अपरियाइत्ता पुढेगत्तं णाणत्तं जाव विउश्वित्ता णं चिट्ठित्तए तस्स णमेवं भवइ अत्थि जाव समुप्पण्णे अमुदग्गे जीवे, संतेगइया समणा वा माहणा वा एवमाहंसु मुदग्गे जीवे, जे ते एवमासु मिच्छं ते एवमाहंसु, पंचमे विभंगणाणे / अहावरे छठे विभंगणाणे, जया णं तहारूवस्स समणस्स वा माहणस्स वा जाव समुप्पज्जइ, से णं तेणं विभंगणाणेणं समुप्पण्णेणं देवामेव पासइ बाहिरब्भंतरए पोग्गले परियाइत्ता वा अपरियाइत्ता वा पुढेगत्तं णाणत्तं फुसेत्ता जाव विकुवित्ताणं चिट्ठित्तए तस्स णमेवं भवइ, अत्थि णं मम अइसेसे णाणदंसणे समुप्पण्णे रूवी जीवे संतेगइया समणा वा माहणा वा एवमाहंसु अरूवी जीवे जे ते एवमासु मिच्छं ते एवमाहंसु छठे विभगणाणे / अहावरे सत्तमे विभंगणाणे जया णं तहारूवस्स समणस्स वा माहणस्स वा विभंगणाणे समुप्पजइ, से णं तेणं विभंगणाणेणं समुप्पण्णेणं पासइ सुहमेणं वाउकाएणं फुडं पोग्गलकार्य एयंत वेयंते चलंतं खुब्भंत फंदंतं घटुंत उदीरेत तं तं भावं परिणमंतं तस्स णमेवं भवइ अत्थि णं मम अइसेसे णाणदंसणे समु. प्पण्णे, सव्वमिणं जीवा संतेगइया समणा वा माहणा वा एवमाहंसु जीवा चेव अजीवा चेव जे ते एवमाह मिच्छं ते एवमाहंसु तस्स णमिमे चत्तारि जीवणिकाया णो सम्ममुवगया भवंति तंजहा-पुढविकाइया आऊ तेऊ वाउकाइया, इच्चेएहिं चउहिं जीवणिकाएहिं मिच्छादंडं पवत्तेइ, सत्तमे विभंगणाणे // 2 // सत्तविहे जोणिसंगहे प०तं. अंडया पोयया जराउया रसया संसेयया समुच्छिमा उब्भिया / अंडया सत्तगइया सत्तागइया प० त० अंडगे अंडगेसु उववजमाणे अंडएहिंतो वा पोयएहिंतो वा जाव उब्भिए हिंतो वा उववजेज्जा से चेव णं से अंडए अंडगत्तं
