________________ 300 अंग-पविट्ठ सुत्ताणि चिणिंसु वा चिणंति वा चिणिस्संति वा तं० पुढविकाइयणिव्वत्तिए जाव तसकायणिव्वत्तिए एवं चिण-उव चिण-बंध-उदीर-चेय तह-णिज्जरा चेव // 110 // छप्पएसिया णं खंधा अणंता प० // 111 / / छप्पएसोगाढा पोग्गला अणंता प० // 112 / / छसमयठिईया पोग्गला अणंता प० // 113 / / छगुणकालगा पोग्गला जाव छगुणलुक्खा पोग्गला अणंता पण्णत्ता / / 114 / / सत्तमं ठाणं सत्तविहे गणावक्कमणे प० त० सव्वधम्मा रोएमि एगइया रोए मि एगइया णो रोएमि सव्वधम्मा वितिगिच्छामि एगइया विति गिच्छामि एगइया णो विति गिच्छामि सव्वधम्मा जुहुणामि एगइया जुहुणामि एगइया णो जुहणामि इच्छामि णं भंते ! एगल्लविहारपडिमं उवसंपजित्ता णं विहरित्तए // 1 // सत्तविहे विभंगणाणे प० तं० एगदि सिलोगा भिगमे, पंचदि सिलोगा भिगमे, किरियावरणे जीवे, मुदग्गे जीवे, अमुदग्गे जीवे, रूवी जीवे, सव्वमिणं जीवा, तत्थ खलु इमे पढमे विभंगणाणे जया णं तहारूवस्स समणस्स वा माहणस्स वा विभंगणाणे समुप्पजइ से णं तेणं विभंगणाणेणं समुप्पण्णेणं पासइ पाईणं वा पडिणं वा दाहिणं वा उदीणं वा उर्ल्ड वा जाव सोहम्मे कप्पे तस्स णमेवं भवइ अत्थि णं मम अइसेसे णाणदंसणे समुप्पण्णे एगदिसिं लोगाभिगमे संतेगइया समणा वा माहणा वा एवमाहंसु पंचदिसिं लोगा. भिगमे जे ते एवमाहंसु मिच्छं ते एवमासु पढमे विभंगणाणे / अहावरे दोचे विभंगणाणे जया णं तहारूवस्स समणस्स वा माहणस्त वा विभंगणाणे समुप्पजइ से णं तेणं विभंगणाणेणं समुप्पण्णेणं पासइ पाईणं वा पडीणं वा दाहिणं वा उदीणं वा उड़े जाव सोहम्मे कप्पे तस्स णं एवं भवइ अत्थि णं मम अइसेसे णाणदंसणे समु. प्पण्णे पंचदिसिं लोगाभिगमे संतेगइया समणा वा माहणा वा एवमाहंसु एगदिसिं लोगाभिगमे जे ते एवमाहंसु मिच्छं ते एवमासु दोचे विभंगणाणे / अहावरे तचे विभंगणाणे जया णं तहारूवस्स समणस्स वा माहणस्स वा विभंगणाणे समुप्पजइ, से णं तेणं विभंगणाणेणं सपुप्पण्णेणं पासइ पाणे अइवाएमाणा, मुमं वएमाणे अदिण्णमादियमाणे मेहुणं पडिसेवमाणे परिग्गहं परिगिण्हमाणे, राइभोयणं भुंजमाणे वा पावं च णं कम्मं कीरमाणं णो पासइ तस्स णमेवं भवइ अत्थि णं मम अइसेसे णाणदंसणे समुप्पण्णे किरियावरणे जीवे संतेगइया समणा वा माहणा वा एवमाहंसु णो किरियावरणे जीवे जे ते एवमासु मिच्छं ते एवमाहंसु तच्चे
