________________ 284 अंग-पविट्ठ सुत्ताणि गामाणुगामं दूइजित्तए, पंचहिं ठाणेहिं कप्पइ तं० भयंसि वा दुन्भिक्खंसि वा जाव महया वा अणारिएहिं / वासावासं पजोसवियाणं णो कप्पइ णिग्गंथाणं वा णिग्गंथीणं वा गामाणुगाम दूइ जित्तए, पंचहिं ठाणेहिं कप्पइ तं० णाणट्ठयाए दसणट्टयाए चरित्तद्वयाए आयरियउवज्झाया वा से वीसुभेज्जा आयरियउवज्झायाणं वा बहिया वेयावचं करणयाए / / 30 // पंच अणुग्घाइया प० तं० हत्थकम्म करेमाणे मेहुणं पडिसेवमाणे राइभोयणं भुजमाणे सागारियपिंड भुजमाणे रायपिंड भुंजमाणे / पंचहिं ठाणेहिं समणे णिग्गंथे रायतेउरमणुपविसमाणे णाइक्कमइ तं० णगरं सिया सव्वओ समंता गुत्ते गुत्तदुवारे. बहवे समणमाहणा णो संचाएंति भत्ताए वा पाणाए वा णिक्खमित्तए वा पविसित्तए वा तेसिं विण्णवणट्टयाए रायंतेउरमणुपविसे ज्जा पाडिहारियं वा पीढफलगसेज्जासंथारगं पच्चप्पिणमाणे रायतेउरमणुपविसेज्जा हयस्स वा गयस्स वा दुट्ठस्स आगच्छमाणस्स भीए रायंतेउरमणुपविसेज्जा परो वा णं सहसा वा बलसा वा बाहाए गहाय रायतेउरमणुपविसेज्जा बहिया व णं आरामगयं वा उजाणगयं वा रायतेउरजणो सव्वओ समंता संपरिक्विवित्ता णं णिविसेज्जा इच्चेए हिं पंचहिं ठाणेहिं समणे णिग्गंथे जाव णाइक्कमइ // 31 / / पंचहिं ठाणेहिं इत्थी पुरिसेण सद्धिं असंवसमाणी वि गब्भं धरेज्जा तं० इत्थी दुव्वियडा दुण्णिसण्णा सुक्कपोग्गले अहिटेजा, सुक्कपोग्गलसंसिढे व से वत्थे अंतो जोणीए अणुपविसेज्जा संयं वा सा सुक्कपोग्गले अणुपविसेज्जा परो व से सुक्कपोग्गले अणुपविसेज्जा सीओदगवियडेण वा से आयममाणीए सुक्कपोग्गले अणुपविसेज्जा, इच्चेएहिं पंचहिं ठाणेहिं जाव धरेज्जा / पंचहिं ठाणेहिं इत्थी पुरिसेण सद्धिं संवसमाणी वि गभं णो धरेज्जा तं० अप्पत्तजोवणा अइक्कंतजोवणा जाइवंझा गेलण्णपुट्ठा दोमणंसिया इच्चेएहिं पंचहिं ठाणेहिं इत्थी पुरिसेण सद्धिं संवसमाणी वि गभं णो धरेज्जा / पंचहि ठाणेहिं इत्थी पुरिसेण सद्धिं संवसमाणी वि गब्भं णो घरेज्जातं. णिचोउया अणोउया वावण्णसोया वाविद्धसोया अणंगपडिसेविणी इच्चेएहिं पंचहिं ठाणेहिं इत्थी पुरिसेण सद्धिं संवसमाणी वि गम्भ णो धरेज्जा / पंचहिं ठाणेहिं इत्थी पुरिसेण सद्धिं संवसमाणी वि गब्भ णो धरेज्जा तं० उउंमि णो णिगामपडिसेविणी यावि भवइ, समागया वा से सुक्कपोग्गला पडिविद्धंसंति उदिण्णे वा से पित्तसोणिए पुरा वा देवकम्मणा पुत्तफले वा णो णिहिटे भवइ इच्चेएहिं जाव णो धरेज्जा // 32 // पंचहिं ठाणेहिं णिग्गंथा णिग्गंथीओ य एगयओ ठाणं
