________________ ठाणं ठा. 5 उ. 2 283 ण बुज्झइ हेउं णाभिगच्छइ हेउमण्णाणमरण मरइ / पंच हेऊ प० तं० हेउणा ण जाणइ जाव हे उणा अण्णाणमरणं मरइ / पंच हेऊ प० तं० हेडं जाणइ जाव हेउं छउमत्थमरणं मरइ / पंच हेऊ प० तं० हे उणा जाणइ जाव हेउणा छउमत्थमरण मरइ / पंच अहेऊ प० तं० अहेउं ण जाणइ जाव अहेउं छउमत्थमरणं मरइ / पंच अहेऊ प० तं० अहेउणा ण जाणइ जाव अहेउणा छउमत्थमरणं मरइ / पंच अहेऊ प० तं. अहेउं जाणइ जाव अहे केवलिमरणं मरइ / पंच अहेऊ 50 तं० अहेउणा ण जाणइ जाव अहेउणा केवलिमरणं मरइ / / 27 / / केवलिस्स णं पंच अणुत्तरा प० तं० अणुत्तरे णाणे अणुत्तरे दंसणे अणुत्तरे चरित्ते अणुत्तरे तवे अणुत्तरे वीरिए // 28 // पउमप्पहे णं अरहा पंच चित्ते हुत्था तं० चित्ताहिं चुए चइत्ता गम्भं वक्ते चित्ताहिं जाए चित्ताहिं मुंडे भवित्ता अगाराओ अणगारियं पव्वइए चित्ताहि अणंते अणुत्तरे णिव्वाघाए णिरावरणे कसिणे पडिपुण्णे केवलवरणाणदंसणे समुप्पण्णे चित्ताहिं परिणिव्वुए / पुप्फदंते णं अरहा पंच मूले हुत्था तं० मूलेणं चुए चइत्ता गम्भं वकंते एवं चेव एवमेएणं अभिलावणं इमाओ गाहाओ अणुगंतवाओ-पउमप्पभस्स चित्ता मूले पुण होइ पुप्फदंतस्स; पुवाई आसादा सीयलस्सुत्तर विमलस्स भद्दवया (1) रेवइया अणंतजिणो पूसो धम्मस्स संतिणो भरणी, कुंथुस्स कत्तियाओ अरस्स तह रेवईओ य (2) मुणिसुव्वयस्स सवणो आसिणिं णमिणो य णेमिगो चित्ता, पासस्स विसाहाओ पंच य हत्थु. त्तरे वीरो (3) समणे भगवं महावीरे पंचहत्थुत्तरे होत्था तं०-हत्थुत्तराहिं चुए चइत्ता गम्भं वकंते, हत्थुत्तराहिं गम्भाओ गम्भं साहरिए, हत्थुत्तराहिं जाए, हत्थुत्तराहिं मुंडे भवित्ता जाव पव्वइए, हत्थुत्तराहिं अणंते अणुत्तरे जाव केवलवरणाणदंसणे समुप्पण्णे / / 29 / / पंचमं ठाणं बीओ उद्देसो ' णो कप्पइ णिग्गंथाणं वा णिग्गंथीणं वा इमाओ उद्दिट्ठाओ गणियाओ वियंजियाओ पंच महण्णवाओ महाणईओ अंतो मासस्स दुक्खुत्तो वा, तिक्खुत्तो वा, उत्तरित्तए वा संतरित्तए वा तं० गंगा जउणा सरऊ एरावइ मही। पंचहिं ठाणेहिं कप्पइ तं. भयंसि वा, दुब्भिक्खंसि वा, पव्वहेज व णं कोई उदओघंसि वा एजमाणंसि, महया वा अणारिएमु / णो कप्पइ णिग्गंथाणं वा णिग्गंथीणं वा पढमपाउसंसि,
