________________ 264 अंग-पविट्ठ सुत्ताणि माणुस लोगं हव्वमागच्छित्तए णो चेव णं संचाएइ हन्धमागच्छित्तए॥११५॥चउहिं ठाणेहिं अहणोववण्णे देवे देवलोएसु इच्छेजा माणुसं लोगं हवमागच्छित्तए संचा. एइ हव्वमागच्छित्तए तं० अहुणोववण्णे देवे देवलोएसु दिव्वेसु कामभोगेसु अमुच्छिए जाव अणज्झोववण्णे तस्स णं एवं भवइ अत्थि खलु मम माणुस्सए भवे आयरिएइ वा उवज्झाएइ वा पवत्तीइ वा थेरेइ वा गणीइ वा गणहरेइ वा गणावच्छेएइ वा जेसिं पभावेणं मए इमा एयारूवा दिव्वा देविड्डी दिव्वा देवजुई लद्धा पत्ता अभिसमण्णागया तं० गच्छामि णं ते भगवंते वंदामि जाव पज्जुवासामि, अहुणोववण्णे देवे देवलोएसु जाव अणज्झोववण्णे तस्स णं एवं भवइ एस णं माणुस्सए भवे णाणीइ वा तवस्सीइ वा अइदुक्कर दुक्करकारए तं गच्छामि णं ते भगवंतं वंदामि जाव पज्जुवासामि, अहुणोववण्णे देवे जाव अणज्झोववण्णे तस्स णं एवं भवइ अत्थि ण मम माणुस्सए भवे मायाइ वा जाव सुण्हाइ वा तं गच्छामि णं तेसिमंतियं पाउब्भवामि पासंतु ता मे इममेयारूवं दिव्वं देविद्धिं दिव्वं देवजुई लद्धं पत्तं अभिसमण्णागयं, अहणोववण्णे देवे देवलोएसु जाव अणज्झोववण्णे तस्स णं एवं भवइ अत्थि णं मम माणुस्सए भवे मित्तइ वा सहीइ वा सुहीइ वा सहाएइ वा संगइए वा तेसिं च णं अम्हे अण्णमण्णस्स संगारे पडिसुए भवइ, जो मे पुलिं चयइ से संबोहियव्वे इच्चेएहिं जाव संचाएइ हव्वमागच्छित्तए // 116 / / चउहिं ठाणेहिं लोगंधगारे सिया तं० अरिहंतेहिं वोच्छिज्जमाणेहिं, अरिहंतपण्णत्ते धम्मे वोच्छिज्जमाणे पुव्वगए वोच्छिज्जमाणे जायतेए वोच्छिज्जमाणे / चउहिं ठाणेहिं लोगुज्जोए सिया तं० अरिहंतेहिं जायमाणेहिं, अरिहंतेहिं पव्वयमाणेहिं, अरिहंताणं णाणुप्पायमहिमासु, अरिहंताणं परिणिव्वाणमहिमासु, एवं देवंधगारे देवुजोए देवसण्णिवाए देवुक्कलियाए देवकहकहए / चउहिँ ठाणेहिं देविंदा माणुसं लोगं हव्वमागच्छंति, एवं जहा तिठाणे जाव लोगंतिया देवा माणुस्सं लोगं हव्वमागच्छेजा तं. अरिहंतेहिं जायमाणेहिं जाव अरिहंताणं परिणिव्वाणमहिमासु // 117 // चत्तारि दुहसेज्जाओ प० तं० तत्थ खलु इमा पढमा दुहसेज्जा से णं मुंडे भवित्ता अगाराओ अणगारियं पव्वइए णिग्गंथे पावयणे संकिए कंखिएं विति. गिच्छिए भेयसमावण्णे कलुससमावण्णे णिग्गंथं पावयणं णो सहहइ णो पत्तियइ णो रोएइ, णिग्गंथं पावयणं असद्दहमाणे अपत्तियमाणे अरोएमाणे मणं उच्चावयं
