________________ ठाणं ठा. 4 उ. 3 263 उवट्ठावणायरिए, उवट्ठावणायरिए णाममेगे णो पव्वावणायरिए, एगे पव्वावणायरिएवि उवट्ठावणायरिएवि, एगे णो पब्वावणायरिए णो उवट्ठावणायरिए, धम्मायरिए / चत्तारि आयरिया प० तं० उद्देसणायरिए णाममेगे णो वायणायरिए 4 धम्मायरिए // 110 // चत्तारि अंतेवासी प० त० पव्वावणंतेवासी णाममेगे णो उवट्ठावणंतेवासी 4 धम्मंतेवासी / चत्तारि अंतेवासी प० तं० उद्देसणंतेवासी णाममेगे णो वायणंतेवासी 4 धम्मंतेवासी / / 111 / / चत्तारि णिग्गंथा प० तं० रायणिए समणे णिग्गंथे महाकम्मे महाकिरिए अणायावी असमिए धम्मस्स अणाराहए भवइ, राइणिए समणे णिग्गंथे अप्पकम्मे अप्पकिरिए आयावी समिए धम्मस्स आराहए भवइ, ओमराइणिए समणे णिग्गंथे महाकम्मे महाकिरिए अणावावी असमिए धम्मस्स अणाराहए भवड, ओमराइणिए समणे णिग्गंथे अप्पकम्मे अप्पकिरिए आयावी समिए धम्मस्स आराहए भवइ। चत्तारि णिग्गंथीओ प० तं० राइणिया समणी णिग्गंथी 4 एवं चैव / चत्तारि समणोवासगा प० तं० रायणिए समणोवासए महाकम्मे 4 तहेव। चत्तारि समणोवासियाओ प० तं० रायणिया समपोवासिया महाकम्मा तहेव चत्तारि गमा // 112 // चत्तारि समणोवासगा प० तं. अम्मापिइसमाणे भाइसमाणे मित्तसमाणे सवत्तिसमाणे / चत्तारि समणोवासगा प० तं० अदागसमाणे पडागसमाणे खाणुसमाणे खरकंटयसमाणे // 113 // समणस्स णं भगवओ महावीरस्स समणोवासगाणं सोहम्मे कप्पे अरुणाभे विमाणे चत्तारि पलिओवमाई ठिई प०॥११४॥ चउहिँ ठाणेहिं अहुणोववण्णे देवे देवलोएसु इच्छेन्जा माणुसं लोगं हवमागच्छित्तए णो चेव णं संचाएइ हव्वमागच्छित्तए तं० अहुणोववण्णे देवे देवलोएसु दिव्वेसु कामभोगेसु मुच्छिए गिद्धे गढिए अज्झोववण्णे से णं माणुस्सए कामभोगे णो आढाइ णो परियाणाइ णो अटुं बंधइ णो णियाण पगरेइ, णो ठिइपगप्पं पगरेइ, अहुणोववण्णे देवे देवलोएसु दिव्वेसु कामभोगेसु मुच्छिए 4 तस्स णं माणुस्सए पेमे वोच्छिण्णे दिव्वे संकंते भवइ, अहुणोववण्णे देवे देवलोएसु दिव्वेसु कामभोगेसु मुच्छिए 4 तस्स णं एवं भवइ, इयहि गच्छं मुहुत्तेणं गच्छं तेणं कालेणमप्पाउया मणुस्सा कालधम्मुणा संजुत्ता भवंति, अहुणोववण्णे देवे देवलोएसु दिव्वेसु कामभोगेसु मुन्छिए 4 तस्स णं माणुस्सए गंधे पडिकले पडिलोमे यावि भवइ, उडेपि य णं माणुस्सए गंधे जाव चत्तारिपंचजोयणसयाई हव्वमागच्छइ 4 इच्चेएहिं चउहिं ठाणेहिं अहुणोववण्णे देवे देवलोएसु इच्छेज्जा
