________________ ठाणं ठा. 4 उ. 2 257 पण्णत्ता पण्णासं जोयणाई विक्खभेणं बावत्तरि जोयणाई उद्धं उच्चत्तेणं, तेसिं सिद्धाययणाणं च उदिसिं चत्तारि दारा प० तं०-देवदारे असुरदारे णागदारे सुवण्णदारे, तेसुणं दारेसु चउव्विहा देवा परिवसंति तं० देवा असुरा णागा सुवण्णा, तेसिणं दाराणं पुरओ चत्तारि मुहमंडवा पं०, तेसिणं मुहमंडवाणं पुरओ चत्तारि पेच्छा. घरमंडवा प०, तेसिणं पेच्छाघरमंडवाणं बहुमज्झदेसभागे चत्तारि वइरामया अक्खाडगा प०, तेसि णं वइरामयाणं अक्खाडगाणं बहुमज्झदेसभागे चत्तारि मणिपेढियाओ प०, तासि णं मणिपेढियाणं उवरिं चत्तारि सीहासणा पण्णत्ता, तेसि णं सीहासणाणं उवरिं चत्तारि विजयदूसा पण्णता, तेसि णं विजयदूसगाणं बहु. मज्झदेसभागे चत्तारि वइरामया अंकुसा प० तेसु णं वइरामए सु अंकुसेसु चत्तारि कुंभिका मुत्तादामा प० ते णं कुंभिका मुत्तादामा पतेयं 2 अण्णेहिं तदद्धउच्चत्तपमाणमित्तेहिं चउहिं अद्धकुमिकेहिं मुत्तादामेहिं; सव्वओ समंता संपरिक्खित्ता,तेसि णं पेच्छाघरमंडवाणं पुरओ चत्तारि मणिपेढियाओ पण्णत्ताओ, तासि णं मणिपेढियाणं उवरिं चत्तारि 2 चेइयथूभा पण्णत्ता; तासि णं चेंइयथूभाणं पत्तेयं 2 चउद्दिसिं चत्तारि मणिपेढियाओ प० तासि णं मणिपेढियाणं उवरिं चत्तारि जिणपडिमाओ सव्वरयणामईओ संपलियकणिसण्णाओ थूभाभिमुहाओ चिट्ठति तं० रिसभा वद्धमाणा चंदाणणा वारिसेणा, तेसि णं चेइयथूभा णं पुरओ चत्तारि मणिपेढियाओ प० तासि णं मणिपेढियाणं उवरिं चत्तारि चेइयरुक्खा प०, तेसि णं चेइयरुक्खा णं पुरओ. चत्तारि मणिपेढियाओ प०, तासि णं मणिपेढियाणं उवरिं चत्तारि महिंदज्झया प०, तेसि णं महिंदज्झयाणं पुरओ चत्तारि 2 णंदाओ पुक्खरणीओ प० तासिणं पुक्खरणीणं पत्तेयं पत्तेयं चउदिसिं चत्तारि वणखंडा प० त० पुरत्थिमेणं दाहिणेणं पञ्चत्थिमेणं उत्तरेणं, पुव्वेणं असोगवणं दाहिणओ होइ सत्तवण्णवणं; अवरेण चंपगवणं, चूयवणं उत्तरे पासे (1) तत्थ णं जे से पुरत्थिमिल्ले अंजणगपव्वए तस्स णं चउद्दिसिं चत्तारि णंदाओ पुक्खरणीओ पण्णत्ताओ तं० णंदुत्तरा णंदा आणंदा णंदिवद्धणा, ताओ णंदाओ पुक्खरिणीओ एगं जोयणसयसहस्सं आयामेणं पण्णास जोयणसहस्साइं विक्खंभेणं दस जोयणसयाई उव्वेहेणं, तासिणं पुक्खरणीणं पत्तेयं पत्तेयं चउदिसिं चत्तारि तिसोवाणपडिरूवगा प० तेसिणं तिसोवाणपडिरूवंगाणं पुरओ चत्तारि तोरणा प०० पुरत्थिमेणं दाहिणेणं पञ्चत्थिमेणं
