________________ 258 अंग-पविट सुत्ताणि उत्तरेणं, तासिणं पुक्खरणीणं पत्तेयं पत्तेयं चउद्दिसिं चत्तारि वणखंडा प० तं. पुरओ दाहिणेणं पञ्चत्यिमेणं उत्तरेणं, पुव्वेणं असोगवणं जाव चूयवणं उत्तरे पासे / तासिणं पुक्खरणीणं बहुमज्झदेसभाए चत्तारि दहिमुहगपव्वया प०, ते णं दहिमुहगपव्वया चउसद्धिं जोयणसहस्साई उड्डे उच्चत्तणं एगं जोयणसहस्समुब्वेहेणं, सव्वत्थसमा पल्लगसंठाणसंठिया दसजोयणसहस्साइं विखंभेणं एक्कतीसं जोयणसहस्साई छच्चतेवीसेजोयणसए परिक्खेवेणं सव्वरयणामाया अच्छा जाव पडिरूवा / तेसि णं दहिमुहगपव्वयाणं उवरि बहूसमरमणिज्जा भूमिभागा पण्णत्ता, सेसं जहेव अंजणगपव्वयाणं तहेव गिरवसेसं भाणियव्वं जाव चूयवणं उत्तरेपासे / तत्थ णं जे से दाहिणिल्ले अंजणगपव्वए तस्सणं चउद्दिसिं चत्तारि णंदाओ पुक्खरणीओ प० तं० भद्दा विसाला कुमुया पोंडरीगिणी / ताओ गंदाओ पुक्रवरणीओ एगं जोयणसयसहस्सं सेसं तं चेव जाव दहिमुहगपव्वया जाव वणखंडा / तत्थणं जे से पच्चत्थिमिल्ले अंजणगपव्वए तस्स णं चउद्दिसिं चत्तारि णंदाओ पुक्खरणीओ पण्णत्ताओ तं० णंदिसेणा अमोहा गोथूमा सुदंसणा, सेसं तं चेव, तहेव दहिमुहगपव्वया तहेव सिद्धाययणा जाव वणखंडा। तत्थणं जे से उत्तरिल्ले अंजणगपव्वए तस्स णं चउद्दिसिं चत्तारि गंदाओ पुक्खरणीओ प०'तं. विजया वेजयंती जयंती अपराजिया, ताओ णं पुक्खरिणीओ एगं जोयण सयसहस्सं तं चेव पमाणं तहेव दहिमुहगपव्वया, तहेव सिद्धाययणा जाव वणखंडा / गंदीसरवरस्स णं दीवस्स चकवालविक्वंभस्स बहुमज्झदेसभाए चउसु विदिसासु चत्तारि रइकरगपव्वया प० तं० उत्तरपुरथिमिल्ले रइकरगपव्वए दाहिणपुरथिमिल्ले रइकरगपव्वए दाहिणपञ्चत्थिमिल्ले रइकरगपव्वए उत्तरपञ्चत्थिमिल्ले रइकर गपव्वए, ते णं रइकरगपव्वया दसजोयणसयाई उढे उच्चत्तेणं दसगाउयसयाइं उव्वे हेणं, सव्वत्थसमा झल्रिसंठाणसंठिया, दसजोयणसहस्साई विक्खंभेणं, एक्कतीसं जोयणसहस्साई छच्चतेवीसे जोयणसए परिक्खेवेणं, सव्वरयणामया अच्छा जाव पडिरूवा / तत्थ ण जे से उत्तरपुरथिमिल्ले रइकरगपव्वए तस्सणं चउद्दिसिमीसाणस्स देविंदस्स देवरण्णो चउण्हमग्गमहिसीणं जंबुद्दीवप्पमाणमेत्ताओ चत्तारि रायहाणीओ पण्णत्ताओ तं० णंदुत्तरा गंदा उत्तरकुरा देवकुरा / कण्हाए कण्हराईए रामाए रामरक्खियाए / तत्थ ण जे से दाहिणपुरथिमिल्ले रइकरगपव्वए तस्सणं चउद्दिसिं सक्कस्स देविंदस्स देवरणो चउण्हमग्गमहिसीणं जंबुद्दीवप्पमाणमेत्ताओ चत्तारि राय
