________________ 256 अंग-पविट्ठ सुत्ताणि हित्ता एत्थणं चउण्हं वेलंधरणागराईणं चत्तारि आवासपव्वया प० त० गोथूभे उदयभासे संखे दगसीमे, तत्थ णं चत्तारि देवा महिड्डिया जाव पलिओवमठिईया परिवसंति तं० गोथूमे सिवए संखे मणोसिलए / जंबुद्दीवस्स णं दीवस्स बाहिरिल्लाओ वेइयं. ताओ चउसु विदिसासु लवणसमुहूं बायालीसं 2 जोयणसहस्साइं ओगाहेत्ता एत्थणं चउण्हं अणुवेलंधरणागराईणं चत्तारि आवासपव्वया प० तं० कक्कोडए विज्जुप्पभे केलासे अरुणप्पभे / तत्थ णं चत्तारि महिड्डिया जाव पलिओवमठिईया परिवसंति तं० कक्कोडए कहमए केलासे अरुणप्पभे // 84 // लवणे णं समुद्दे चत्तारि चंदा पभासिंसु वा पभासंति वा पभासिस्संति वा, चत्तारि सूरिया तविंसु वा तवंति वा तविस्संति वा, चत्तारि कत्तियाओ जाव चत्तारि भरणीओ, चत्तारि अग्गी जाव चत्तारि जमा, चत्तारि अंगारया जाव चत्तारि भावकेऊ / / 85 // लवणस्स णं समुहस्स चत्तारि दारा प० तं० विजए वेजयंते जयंते अपराजिए। ते णं दारा णं चत्तारि जोयणाई विक्खंभेणं तावइयं चेव पवेसेणं पण्णत्ता, तत्थ णं चत्तारि देवा महिड्डिया जाव पलिओवमठिईया परिवसंति विजए जाब अपराजिए // 86 / / धायइखंडे णं दीवे चत्तारि जोयणसयसहस्साई चक्कवालविक्खंभेणं, प० // 87|| जंबुद्दीवस्स णं दीवस्स बहिया चत्तारिभरहाइं चत्तारि एरवयाई, एवं जहा सदुद्देसए तहेव गिरवसेसं भाणियव्वं, जाव चत्तारि मंदरा चत्तारि मंदरचूलियाओ // 88 / / णंदीसरवरस्स णं दीवस्स चक्कवालविक्खंभस्स बहुमज्झदेसभाए चउद्दिसिं चत्तारि अंजणगपव्वया प० तं० पुरथिमिल्ले अंजणगपव्वए दाहिणिल्ले अंजणगपव्वए, पञ्चत्थिमिल्ले अंजणगपव्वए उत्तरिल्ले अंजणगपव्वए, ते णं अंजणगपव्वया चउरासीइजोयणसहस्साई उ8 उच्चत्तेणं एगं जोयणसहस्सं उव्वे हेणं मूले दसजोयणसहस्साई विखंभेणं तदणंतरं च णं मायाए मायाए परिहाएमाणा परिहाएमाणा उवरिमेगं जोयणसहस्सं विखंभेणं प०, मूले इक्तीसं जोयणसहस्साई छच्चतेवीसे जोयणसए परिक्खेवेणं उवरि तिण्णि 2 जोयणसहस्साइं एगं च छावढे जोयणसयं परिक्खेवेणं मूले विच्छिण्णा मज्झे संखित्ता उप्पिं तणुया गोपुच्छसंठाणसंठिया सव्वअंजणमया अच्छा जाव पडिरूवा / तेसि णं अंजणगपव्वयाणं उवरि बहु. समरमणिज्जभूमिभागा प० तेसि णं बहुसमरमणिज्जभूमिभागाणं बहुमज्झदेसभागे चत्तारि सिद्धाययणा पण्णत्ता, ते णं सिद्धाययणा एगं जोयणसयं आयामेणं
