________________ 250 अंग-पविट्ठ सुत्ताणि इहलोगसंवेयणी परलोगसंवेयणी आयसरीरसंवेगणी परसरीरसंवेयणी / णिव्वेयणी कहा चउविहा प० त० इहलोगे दुचिण्णा कम्मा इहलोगे दुहफलविवागसंजुत्ता भवंति, इहलोगे दुचिण्णा कम्मा परलोगे दुह फलविवागसंजुत्ता भवंति, परलोगे दुचिण्णा कम्मा इहलोगे दुहफलविवागसंजुत्ता भवंति, परलोगे दुचिण्णा कम्मा परलोगे दुहफलविवागसंजुत्ता भवंति / इहलोगे सुचिण्णाकम्मा इहलोगे सुहफल. विवागसंजुत्ता भवंति,इहलोगे सुचिण्णा कम्मा परलोगे सुहफलविवागसंजुत्ता भवंति, एवं चउभंगो तहेव / / 58 // चत्तारि पुरिसजाया प० तं० किसे णाममेगे किसे, किसे णाममेगे दढे, दढे णाममेगे किसे, दढे णाममेगे दढे / चत्तारि पुरिसजाया प० तं. किसे णाममेगे किससरीरे, किसे णाममेगे दढसरीरे, दढे णाममेगे किससरीरे, दढे णाममेगे दढसरीरे / चत्तारि पुरिसजाया प० तं० किससरीरस्स णाममेगस्स णाणदंसणे समुप्पज्जइ णो दढसरीरस्स, दढसरीरस्स णाममेगस्स णाणदंसणे समुप्पज्जइ णो किससरीरस्स, एगस्स किससरीरस्स वि णाणदंसणे समुप्पज्जइ दढसरीरस्स वि, एगस्स णो किससरीस्स णाणदंसणे समुप्पज्जइ णो दढसरीरस्स / / 59 / / चउहिं ठाणेहिं णिग्गंथाण वा, णिग्गंथीण वा अस्सि समयंसि अइसेसे णाणदंसणे समुपज्जिउ. कामेवि णो समुप्पजेज्जा तं० अभिक्खणं अभिक्खणं इत्थिकहं भत्तकहं देसकहं रायकहं कहेत्ता भवइ, विवेगेणं विउसग्गेणं णो सम्ममप्पाणं भावेत्ता भवइ, पुव्वरत्तावरत्तकालसमयंसि णो धम्मजागरियं जांगरित्ता भवइ, फासुयस्स एसणिज्जस्स उंछस्स सामुदाणियस्स णो सम्म गवेसइत्ता भवइ, इच्चेएहिं चउहिं ठाणेहिं णिग्गंथाण वा णिग्गंथीण वा जाव णो समुप्पजेज्जा / चउहिं ठाणेहिं णिग्गंथाण वा णिग्गंथीण वा अइसेसे णाणदंसणे समुप्पजिउकामे समुप्पजेज्जा तं० इत्थिकहं भत्तकहं देसकहं रायकहं णो कहेत्ता भवइ, विवेगेण विउसग्गेणं सम्ममप्पाणं भावेत्ता भवइ, पुव्वरत्तावरत्तकालसमयंसि धम्मजागरियं जागरित्ता भवइ, फासुयस्स एसणिज्जस्म उंछस्स सामुदाणि यस्स सम्मं गवेसइत्ता भवइ, इच्चेए हिं चउहिं ठाणेहिं णिग्गंथाण वा णिग्गंथीण वा जाव समुप्पजेज्जा ॥६०॥णो कप्पइ णिग्गंथाण वा णिग्गंथीण वा चउहिं महापाडिवए हिं सज्झायं करेत्तए तं० आसाढपाडिवए इंदमहपाडिवए कत्तियपाडिवए सुगिम्हपाडिवए / णो कप्पइ णिग्गंथाण वा णिग्गंथीण वा चउहिं संझाहिं सज्झायं करेत्तए त० पढमाए पच्छिमाए मज्झण्हे अद्धरत्ते / कप्पइ णिग्गंथाण वा णिग्गं
