________________ ठाणं ठा. 4 उ. 2 249 मियमणे,भद्दे णाममेगे संकिण्णमणे / चत्तारि हत्थी प० तं० मंदे णाममेगे भद्दमणे, मंदे णाममेगे मंदमणे, मंदे णाममेगे मियमणे, मंदे णाममेगे संकिण्णमणे, एवामेव चत्तारि पुरिसजाया प० तं० मंदे णाममेगे भद्दमणे, तं चेव / चत्तारि हत्थी प० तं० मिए गाममेगे भद्दमणे, मिए णाममेगे मंदमणे, मिए णाममेगे मियमणे, मिए णाममेगे संकिण्णमणे, एवामेव चत्तारि पुरिसजाया प० तं० मिए णाममेगे भद्दमणे, तं चेव / चत्तारि हत्थी प० त० संकिण्णे णाममेगे भद्दमणे, संकिण्णे णाममेगे मंदमणे, संकिण्णे गाममेगे मियमणे, संकिण्णे णाममेगे संकिण्णमणे / एवामेव चत्तारि पुरिसजाया प० तं• संकिण्णे णाममेगे भद्दमणे, तं चैव जाव संकिण्णे णाममेगे संकिण्णमणे / गाथा मधुगुलियपिंगलक्खो, अणुपुव्वसुजायदीहणंगूलो; पुरओ उदग्गधीरो, सव्वंगसमाहिओ भद्दो // 52 // (1) चलबहलविसमचम्मो थूलसिरो थूलएण पेएण; थूलणहदंतवालो, हरिपिंगललोयणो मंदो / / 53 // (2) तणुओ तणुयग्गीवो, तणयतओ तणुयदंतणहवालो; भीरू तत्थुव्विग्गो; तासी य भवे मिए णामं / / 54 // (3) एए सिं हत्थीणं, थोवं थोवं तु जो अणुहरइ हत्थी; रूवेण व सीलेण व, सो संकिण्णो त्ति णायव्वो / / 55 / / (4) भद्दो मज्जइ सरए, मंदो उण मज्जए वसंतम्मि; मिउ मजाइ हेमंते, संकिण्णो सव्वकालम्मि (5) // 56 // चत्तारि विकहाओ प० तं० इत्थिकहा भत्तकहा देसकहा रायकहा / इत्थिकहा चउव्विहा प० तं० इत्थीणं नाइकहा, इत्थीणं कुलकहा, इत्थीणं रूवकहा, इत्थीणं णेवत्थकहा / भत्तकहा चउम्विहा प० तं० भत्तस्स आवावकहा, भत्तस्स णिव्वावकहा, भत्तस्स आरंभकहा, भत्तस्स गिट्टाणकहा / देसकहा चउव्विहा प० तं० देसविहिकहा, देसविकप्पकहा, देसच्छंदकहा, देसणेवत्थकहा। रायकहा चउविहा प० तं० रण्णो अइयाणकहा रण्णो णिज्जाणकहा, रण्णो बलवाहणकहा, रण्णो कोसकोट्ठागारकहा // 57 // चउविवहा धम्मकहा प० तं० अक्खेवणी विक्खेवणी संवेयणी णिव्वेयणी / अक्खेवणी कहा चउव्विहा प० तं० आयारऽक्खेवणी वव. हारऽक्खेवणी पण्णत्तिऽक्खेवणी दिट्ठिवायअक्खेवणी / विक्खेवणी कहा चउविहा प० तं० ससमयं कहेइ, ससमयं कहेत्ता परसमयं कहेइ, परसमयं कहेत्ता ससमयं ठावइत्ता भवइ, सम्मावायं कहेइ, सम्मावायं कहेत्ता मिच्छावायं कहेइ, मिच्छावायं कहेत्ता सम्मावायं ठावइत्ता भवइ / संवेयणी कहा चउव्विहा प० तं०
