________________ 245 ठाणं ठा. 4 उ. 1 विज्जुकुमारिमहत्तरियाओ प० तं० चित्ता चित्तकणगा सतेरा सोयामणी // 29 // सक्कस्स णं देविंदस्स देवरणो मज्झिमपरिसाए देवाणं चत्तारि पलिओवमाई ठिई प० / ईसाणस्स णं देविंदस्स देवरण्णो मज्झिमपरिसाए देवीणं चत्तारि पलिओवमाई ठिई प० // 30 // चउविहे संसारे दव्वसंसारे खेत्तसंसारे कालसंसारे भावसंसारे // 31 // चउविहे दिट्ठिवाए प० तं० परिकम्मं सुत्ताई पुव्वगए अमुजोगे // 32 // चउविहे पायच्छित्ते, णाणपायच्छित्ते दंसणपायच्छित्ते चरित्तपायच्छित्ते / वियत्तकिच्चपायच्छित्ते चउविहे पायच्छित्ते, पडिसेवणापायच्छित्ते संजोयणापायच्छित्ते, आरोवणापायच्छित्ते, पलिउंचणापायच्छित्ते॥३३॥चउविहे काले प० तं० पमाणकाले अहाउयणिव्वत्तिकाले मरणकाले अद्धाकाले / / 34 // चउविहे पोग्गलपरिणामे,प० तं० वण्णपरिणामे गंधपरिणामे रसपरिणामे फासपरिणामे।।३५।।भरहेरवएसु णं वासेसु पुरिमपच्छिमवज्जा मज्झिमगा बावीसं अरहंता भगवंतो चाउज्जामं धम्म पण्णवेति तं० सव्वाओ पाणाइवायाओ बेरमणं, एवं मुसावायाओ, अदिण्णादाणाओ, सव्वाओ बहिद्धादाणाओ वेरमणं / सव्वेसु णं महाविदेहेसु अरहंता भगवंतो चाउजाम धम्मं पण्णवयंति तै० सव्वाओ पाणाइवायाओ वेरमणं जाव सव्वाओ बहिद्धादाणाओ वेरमणं / / 36 // चत्तारि दुग्गईओ प० तं० णेरइयदुग्गई, तिरिक्खजोणियदुग्गई,मणुस्सदुग्गई देवदुग्गई / चत्तारि सोग्गईओ प० तं० सिद्धसोग्गई,देवसोग्गई, मणुयसोगई, सुकुलपच्चायाई। चत्तारि दुग्गया प० तं० णेरइयदु० जाव देवदुग्गया। चत्तारि सुमया प० तं० सिद्धसुगया जाव सुकुलपञ्चायाया // 37 // पढमसमयजिणस्स णं चत्तारि कम्मंसा खीणा भवंति तं० णाणावरणिज्जं, दंसणावरणिज्जं, मोहणिज्जं, अंतराइयं / उप्पण्णणाणदंसणधरेणं अरहा जिणे केवली चत्तारि कम्मंसे वेदेति तं वेयणिज्ज आउयं णामं गोयं / पढमसमयसिद्धस्स णं चत्तारि कम्मंसा जुगवं खिजंति तं० वेयणिज्ज आउयं णामं गोयं // 38 // चउहिं ठाणेहिं हासुप्पत्ती सिया तं० पासेत्ता भासेत्ता सुणेत्ता संभरेत्ता // 39 // चउविहे अंतरे प० तं० कट्ठतरे पम्हंतरे लोहंतरे पत्थरंतरे, एवामेव इत्थीए वा पुरिसस्स वा, चउबिहे अंतरे प० तं० कटुंतरसमाणे, पम्हंतरसमाणे, लोहंतरसमाणे, पत्थरंतरसमाणे // 40 // चत्तारि भयगा प० तं० दिवसभयए जत्ताभयए उच्चत्तभयए कब्बालभयए // 41 // चत्तारि पुरिसजाया प० तं० संपागडपडिसेवी णाममेगे
