________________ ठाणं ठा. 4 उ. 1 243 चउप्पइट्ठिए कोहे प० तं० आयपइट्ठिए, परपइट्ठिए, तदुभयपइट्ठिए, अपइट्ठिए, एवं णेरइयाणं जाव वेमाणियाणं, एवं जाव लोभे वेमाणियाणं / चउहिं ठाणेहिं कोधुप्पत्ती सिया तं० खेत्तं पडुच्च, वत्थु पडुच्च, सरीरं पडुच्च, उवहिं पडुच्च, एवं णेरइयाणं जाव वेमाणियाणं, एवं जाव लोहे वेमाणियाणं / चउबिहे कोहे प० तं० अणंताणबधिकोहे, अपच्चक्खाणकोहे, पञ्चक्खाणावरणे कोहे, संजलणे कोहे, एवं णेरइयाणं नाव वेमाणियाणं / एवं जाव लोहे वेमाणियाणं। चउबिहे कोहे पण्णत्ते, आभोगशिव्वत्तिए, अणाभोगणिवत्तिए, उवसंते, अणुवसंते, एवं णेर इयाणं, जाव वेमाणियाणं। एवं जाव लोभे, वेमाणियाणं / / 18 // जीवा णं चउहिँ ठाणेहिं अट्ठकम्मपगडीओ चिणिंसु तं० कोहेणं माणेणं मायाए लोभेणं, एवं जाव वेमाणियाणं / एवं चिणंति एस दंडओ, एवं चिणिस्संति एस दंडओ, एवमेएणं तिण्णि दंडगा। एवं उवचिणिंसु, उवचिणंति, उवचिणिसंति, बंधिसु. 3, उदीरिंसु 3 वेद॑सु 3, णिज्जरेंसु णिजरेंति णिजरिस्संति,जाव वेमाणियाणं एवमेकिके पदे तिणि 2 दंडगा भाणियवा, जाव णिज्जरिस्संति // 19 // चत्तारि पडिमाओ प० त० समाहिपडिमा, उवहाणपडिमा, विवेगपडिमा, विउस्सग्गपडिमा। चत्तारि पडिमाओ प० तं० भद्दा, सुभद्दा, महाभद्दा, सबओभहा। चत्तारिं पडिमाओ प० तं• खुड्डियामोयपडिमा, महल्लियामोयपडिमा, जवमज्झा, वइरमज्झा // 20 // चत्तारि अत्थिकाया अजीवकाया प० तं० धम्मत्थिकाए, अधम्मत्थिकाए, आगासत्थिकाए, पोग्गलत्थिकाए। चत्तारि अत्थिक्काया अरूविकाया प० तं० धम्मत्थिकाए, अधम्मत्थिकाए, आगासत्थिकाए, जीवत्थिकाए / / 21 // चत्तारि फला प० त० आमेणाममेगे आममहुरे, आमेणाममेगे पक्कमहुरे, पक्केणाममेगे आममहुरे, पक्केणाममेगे पक्कमहुरे, एवामेव चत्तारि पुरिसजाया प० तं० आमेणाममेगे आममहुरफलसमाणे, (4) // 22 // चउबिहे सच्चे प० तं० काउज्जुयया, भासुज्जुयया, भावुज्जुयया, अविसंवायणाजोगे / चउविहे मोसे प० तं०-कायअणुज्जुयया, भासअणुज्जुयया, भावअणुज्जुयया, विसंवादणाजोगे // 23 // चउबिहे पणिहाणे प० तं. मणपणिहाणे, वइपणिहाणे, कायपणिहाणे, उवगरणपणिहाणे / एवं णेरइयाणं पंचिंदियाणं जाव वेमाणियाणं / * चउबिहे सुप्पणिहाणे प० तं० मणसुप्पणिहाणे जाव उवगरणसुप्पणिहाणे, एवं संजयमणुस्साणवि। चउविहे दुप्पणिहाणे प० तं० मणदुप्पणिहाणे जाव उवगरण
