________________ 242 अंग-पविट सुत्ताणि त्तए,एवं णिरयाउयंसि कम्मंसि अक्खीणंसि जाव णो चेवणं संचाएइ हव्वमागच्छित्तए इच्चेए हिं चउहिं ठाणेहिं अहणोववण्णे णेरइए जाव णो चेव णं संचाएइ हव्वमागच्छित्तए // 13 / / कप्पंति णिग्गंथीणं चत्तारि संघाडीओ धारित्तए वा परिहरित्तए वा तं० एगं दुहत्थवित्थारं, दोतिहत्थवित्थारा, एगं चउहत्थवित्थारं / / 14 / / चत्तारि झाणा प० तं० अट्टे झाणे, रोहे झाणे, धम्मे झाणे, सुके झाणे / अट्टे झाणे चउबिहे प० तं० अमणुण्णसंपओगसंपउत्ते तस्स विप्पओगसइसमण्णागए यावि भवइ, मणुण्णसंपओगसंपउत्ते तस्स अविप्पओगसइसमण्णागए यावि भवइ, आयंकसंपओगसंपउत्ते तस्स विप्पओगसइसमण्णागए यावि भवइ, परिजुसियकामभोगसंपओगसंपउत्ते तस्स अविप्पओगसइसमण्णागए यावि भवइ / अदृस्सणं झाणस्स चत्तारि लक्ग्त्रणा प० तं० कंदणया, सोयणया, तिप्पणया परिदेवणया। रोहे झाणे चउबिहे प० तं० हिंसाणुबंधि, मोसाणुबंधि तेणाणुबंधि सारक्खणाणुबंधि / रुहस्स णं झाणस्स चत्तारि लक्खणा प० तं० ओसण्णदोसे, बहुलदोसे, अण्णाणदोसे आमरणंतदोसे / धम्मे झाणे चउबिहे चउप्पडोयारे प० तं० आणाविजए, अवायविजए, विवागविजए, संठाणविजए / धम्मस्स णं झाणस्स चत्तारि लक्खणा प० तं. आणारुई, णिसग्गरुई, सुत्तरुई, ओगाढरुई / धम्मस्स णं झाणस्स चत्तारि आलंबणा प० तं० वायणा, पडिपुच्छणा, परियट्टणा, अणुप्पेहा / धम्मस्स णं झाणस्स चत्तारि अणुप्पेहाओ प० तं० एगाणुप्पेहा, अणिचाणुप्पेहा, असरणाणुप्पेहा, संसाराणुप्पेहा / सुक्केझाणे चउविहे चउप्पडोयारे प० तं० पुहुत्तवियक्केसवियारी, एगत्तवियक्के अवियारी, सुहुमकिरिए अणियट्टी, समुच्छिण्णकिरिए अपडिवाई / सुक्कस्स णं झाणस्स चत्तारि लक्खणा प० तं. अवहे असम्मोहे विवेगे विउस्सग्गे / सुक्कस्स णं झाणस्स चत्तारि आलंबणा प० तं० खंती मुत्ती महवे अज्जवे | सुक्कस्स णं झाणस्स चत्तारि अणुप्पेहाओ प० तं० अणंतवत्तियाणुप्पेहा, विपरिणामाणुप्पेहा, असुभाणुप्पेहा, अवायागुप्पेहा / / 15 / / चउव्विहा देवाणं ठिई प० तं० देवेणाममेगे, देवसिणाए णाममेगे, देवपुरोहिए णाममेगे, देवपज्जलणे णाममेगे // 16 / / चउव्विहे संवासे प० तं० देवणाममेगे देवीए सद्धिं संवासं गच्छेज्जा, देवेणाममेगे छवीए सद्धिं संवासं गच्छेज्जा, छवीणाममेगे देवीए सद्धिं संवासं गच्छेज्जा, छवीणाममेगे छवीए सद्धिं संवासं गच्छेज्जा // 17 // चत्तारि कसाया प० तं० कोहकसाए माणकसाए मायाकसाए लोभकसाए, एवं णेरइयाणं जाव वेमाणियाणं /
