________________ ठाणं ठा.४ उ. 1 241 गारस्स कप्पंति चत्तारि भासाओ भासित्तए तं० जायणी पुच्छणी अणुण्णवणी पुट्ठस्स वागरणी / चत्तारिभासजाया प० तं० सच्चमेगं भासजायं बीयं मोसं तइयं सच्चमोसं चउत्थं असच्चमोसं // 4 // चत्तारि वत्था प० तं० सुद्धे णाममेगे सुद्धे, सुद्धे णाममेगे असुद्धे, असुद्धे णाममेगे सुद्धे, असुद्धे णाममेगे असुद्धे, एवामेव चत्तारि पुरिसजाया प० तं० सुद्धे णाममेगे सुद्धे चउभंगो। एवं परिणयरूवे वत्था सपडिवस्खा // 5 // चत्तारि पुरिसजाया प० तं० सुद्धे णाममेगे सुद्धमणे चउभंगो, एवं संकप्पे जाव परक्कमे // 6 // चत्तारि सुया प०० अइजाए, अणुजाए, अवजाए, कुलिंगाले // 7 // चत्तारि पुरिसजाया प० तं० सच्चे णाममेगे सच्चे, सच्चे णाममेगे असचे (4) एवं परिणए जाव परक्कमे // 8 // चत्तारि वत्था प० तं० सुई णाममेगे सुई, सुई माममेगे असुई, चउभंगो, एवामेव चत्तारि पुरिसजाया प० तं० सुई णाममेगे सुई चउभंगो, एवं जहेव सुद्धेणं वत्थेणं भणिय, तहेव सुइणावि जाव परक्कमे // 9 // चत्तारि कोरवा प० तं० अंबपलंबकोरवे, तालपलंचकोरवे, वल्लिपलंबकोरवे, मिंढविसाणकोरवे, एवामेव चत्तारि पुरिस जाया प० तं० अंबपलंबकोरवसमाणे, तालपंलबकोरवसमाणे, वल्लिपलंबकोरवसमाणे, मिंदविसाणकोरवसमाणे // 10 // चत्तारि घुणा प० तं० तयक्खाए, छल्लिक्खाए, कट्ठक्खाए, सारक्खाए, एवामेव चत्तारि भिक्खायरा प० त० तयक्खायसमाणे, जाव सारक्खायसमाणे, तयक्खायसमाणस्स . णं भिक्वागस्स सारक्खायसमाणे तवे प० सारक्खायसमाणस्सणं भिक्खागस्स तयक्खायसमाणे तवे पण्णत्ते, छल्लिक्खायसमाणस्स णं मिक्खागस्स कढक्खायसमाणे तवे प) कटक्खायसमाणस्स णं भिक्खागस्स छल्लिक्खायसमाणे तवे प’ // 11 // चउव्विहा तणवणस्सइकाइया प० तं० अग्गबीया मूलबीया पोरबीया खंधबीया // 12 // चउहिं ठाणेहिं अहुणोववण्णे णेरइए णिरयलोगंसि इच्छेज्जा माणुसं लोगं हब्बमागच्छित्तए णो चेवणं संचाएइ हव्वमागच्छित्तए / अहुणोववण्णे णेरइए णिरयलोगंसि समुन्भूयं वेयणं वेयमाणे इच्छेज्जा माणुसं लोगं हव्वमागच्छित्तए णो चेव णं संचाएइ हव्वमागच्छित्तए / अहुणोववण्णे णेरइए णिरयलोगंसि णिरयपालेहिं भुजो भुज्जो अहिद्विज्जमाणे इच्छेज्जा माणुसं लोगं हव्वमागच्छित्तए, णो ' चेव णं संचाएइ हव्वमागच्छित्तए / अहुणोववण्णे णेरइए णिरयवेयणिज्जंसि कम्मंसि अक्खीणंसि अवेइयंसि अणिजिण्णंसि इच्छेज्जा 0 णो चेव णं संचाएइ, हव्वमागच्छि
