________________ 240 अंग-पविट्ठ सुत्ताणि इए, संजमबहुले संवरबहुले समाहिबहुले लूहे तीरट्ठी उवहाणवं दुक्खक्खवे तवस्सी तस्सणं णो तहप्पगारे तवे भवइ, णो तहप्पगारा वेयणा भवइ, तहप्पगारे पुरिसजाए दीहेणं परियाएणं सिज्झइ, बुज्झइ मुच्चइ परिणिव्वाइ सव्वदुक्खाणमंत करेइ, जहा से भरहे राया चाउरंतचक्कवट्टी पदमा अंतकिरिया / अहावरा दोचा अंत. किरिया, महाकम्मपञ्चायाए यावि भवइ से णं मुंडे भवित्ता अगाराओ अणगारियं पव्वइए, संजमबहुले संवरबहुले 'जाव उवहाणवं दुक्खक्खवे तवस्सी तस्स णं तहप्पगारे तवे भवइ, तहप्पगारा वेयणा भवइ, तहप्पगारे पुरिसजाए णिरुद्धणं परियाएणं सिज्झइ० जाव अंतं करेइ जहा से गयसूमाले अणगारे, दोचा अंतकिरिया / अहावरा तच्चा अंतकिरिया, महाकम्मपञ्चायाएयावि भवइ, से णं मुंडे भवित्ता अगाराओ अणगारियं पव्वइए जहा दोचा, णवरं दीहेणं परियाएणं सिज्झइ जाव सव्वदुक्खाणमंत करेइ, जहा से सणंकुमारे राया चाउरंतचक्कवट्टी तच्चा अंतकिरिया। अहावरा चउत्था अंतकिरिया, अप्पकम्मपञ्चायाए यावि भवइ, से णं मुंडे भवित्ता जाव पव्वइए संजमबहुले जाव तस्स णं णो तहप्पगारे तवे भवइ णो तहप्पगारा वेयणा भवइ तहप्पगारे पुरिसजाए णिरुद्धेणं परियाएणं सिज्झइ जाव सव्वदुक्खाणमंतं करेइ, जहा सा मरुदेवा भगवई, चउत्था अंत. किरिया // 1 // चत्तारि रुक्खा प० तं० उण्णए णाममेगे उण्णए, उण्णए णाममेगे पणए, पणए णाममेगे उण्णए, पणए णाममेगे पणए, एवामेव चत्तारि पुरिसजाया प० तं० उण्णए णाममेगे उग्णए, तहेव जाव पणए णाममेगे पणए। चत्तारि रुक्खा प० तं० उण्णए णाममेगे उण्णयपरिणए, उण्णए णाममेगे पणयपरिणए, पणए णाममेगे उग्णयपरिणए, पणए णाममेगे पणयपरिणए / एवामेव चत्तारि पुरिसजाया प० तं० उण्णए णाममेगे उण्णयपरिणए, चउभंगो। चत्तारि रुक्खा प० तं० उण्णए णाममेगे उण्णय रूवे, तहेव चउभंगो, एवामेव चत्तारि पुरिसजाया प० तं० उण्णए णामं 4 / चत्तारि पुरिसजाया प० तं० उण्णए णाममेगे उग्णय मणे, उण्ण एवं संकप्पेपण्णे-दिट्ठी-सीलाचारे-ववहारे-परक्कमे-एगे पुरिसजाए पडिवक्खो णत्थि॥२॥ चत्तारि रुक्खा प० तं० उज्जूणाममेगे उज्जू , उज्जूणाममेगे वंके, चउभंगो / एवामेव चत्तारि पुरिसजाया, प० तं० उज्जूणाममेगे उज्जू 4 एवं जहा.उण्णयपणए हिं गमो तहा उज्जुवंकेहिं वि भाणियबो, जाव परक्कमे // 3 // पडिमापडिवण्णस्सणं अण
