________________ 236 अंग-पविट्ठ सुत्ताणि च्छित्ते, दंसणपायच्छित्ते, चरित्तपायच्छित्ते / तओ अणुग्घाइमा प० त० हत्थ कम्मं करेमाणे, मेहुणं सेवेमाणे, राइभोयणं भुंजमाणे / तओ पारंचिया प० तं० दुढे पारंचिए, पमत्ते पारंचिए, अण्णमण्णं करेमाणे पारंचिए / तओ अणवठ्ठप्पा प० तं० साहम्मियाणं तेणं करेमाणे, अण्णधम्मियाणं तेणं करेमाणे, हत्थतालं दलयमाणे / तओ णो कप्पंति पवावेत्तए तं० पंडए, वाइए, कीवे, एवं मुंडावेत्तए, सिक्खावेत्तए, उवट्ठावेत्तए, संभुंजित्तए, संवासित्तए / / 102 // तओ अवायणिज्जा प० तं० अविणीए, विगइपडिबद्धे, अविओसियपाहुडे / तओ कप्पंति वाइत्तए तं० विणीए अविगइपडिबद्धे विउसियपाहुडे // 103 // तओ दुसण्णप्पा प० तं० दुढे मूढे वुग्गाहिए / तओ सुसण्णप्पा प०.तं. अदुढे अमूढे अवुग्गाहिए // 104 // तओ मंडलिया पव्वया प० तं० माणुसुत्तरे कुंडलवरे रुयगजरे। तओ महइमहालया प० तं. जंबुद्दीवे दीवे मंदरे मंदरेसु, सयंभुरमणसमुद्दे समुद्देसु, बंभलोए कप्पे कप्पेसु // 105 // तिविहा कप्पठिई प० तं. सामाइयकप्पठिई छेदोवठ्ठवणियकप्पठिई णिव्विसमाणकप्पठिई / अहवा तिविहा कप्पठिई प० तं० णिविट्ठकप्पठिई, जिणकप्पठिई, थेरकप्पढ़िई।।१०६॥णेरइयाणं तओ सरीरगा प० तं० वेउविए, तेयए, कम्मए / असुरकुमाराणं तओ सरीरगा प० एवं चेव एवं सव्वेसिं देवाणं / पुढवीकाइयाणं तओ सरीरगा प० तं० ओरालिए, तेयए, कम्मए / एवं वाउकाइयवजाणं जाव चउरिंदियाणं / / 107 / / गुरुं पडुच्च तओ पडिणीया प० तं० आयरियपडिणीए, उवज्झायपडिणीए, थेरपडिणीए / गई पडुच्च तओ पडिणीया प० तं० इहलोयपडिणीए, परलोयपडिणीए, दुहओलोयपडिणीए। समूहं पडुच्च तओ पडिणीया प० त० कुलपडिणीए, गणपडिणीए, संघपडिणीए / अणुकंपं पडुच्च तओ पडिणीया प० तं० तस्सिपडिणीए, गिलाणपडिणीए, सेहपडिणीए / भावं पडुच्च तओ पडि. णीया प० तं० णाणपडिणीए, दंसणाडिणीए, चरित्तपडिणीए / सुयं पडुच्च तओ पडिणीया प० तं० सुत्तपडिणीए, अत्थपडिणीए, तदुभयपडिणीए // 108 / / तओ पितियंगा प० तं० अट्ठी, अद्विमिंजा, केसमंसुरोमणहे / तओ माउयंगा प० तं० मंसे, सोणिए, मत्थुलिंगे / / 109 // तिहिं ठाणेहिं समणे णिग्गंथे महाणिज्जरे महापज्जवसाणे भवइ तं० कया णं अहं अप्पं वा बहुयं वा सुयं अहि जिस्सामि ? कयाणं अहं एकल्लविहारपडिमं उवसंपज्जित्ताणं विहरिस्सामि ? कयाणं अहं अपच्छिम
